“ვწუხვარ” – დაიწყება, თუ არა, პერმანენტული აქციები? – ვაშაძე

გიორგი ვაშაძის თქმით, აკია ბარბაქაძის მიერ დაანონსებული აქციები, მათთან და საინიციატივო ჯგუფთან არ არის შეთანხმებული. ამის შესახებ მან ტვ პირველთან განაცხადა, როდესაც უპასუხა ინგა გრიგოლიას კითხვას, თუ რა გეგმა აქვთ მათ სამომავლოდ.

“პირდაპირი ვიტყვი, რომ სამწუხაროდ, რაც განაცხადა სცენიდან აკია ბარბაქაძემ, ეს არ არის ჩვენი საინიციატივო ჯგუფის საერთო შეთანხმებული პოზიცია. ვწუხვარ, არ ვიცი, რატომ გააკეთა ეს განცხადება. ეს მას დაუსვით კითხვა, ჩვენ შემდგომ ნაბიჯებთან დაკავშირებით ჩამოყალიბებული ვართ:

1. პირდაპირ დავიწყოთ საუბარი და მოლაპარაკებები დასავლეთთან საქართველოს ევროკავშირი გაწევრიანებასთან დაკავშირებით;
2.გავათავისუფლოთ პოლიტპატიმრები და დავუდგეთ ყველა ადამიანს გვერდში, ვისაც ჩაგრავს არსებული სისტემა;
3. ვიმოქმედოთ გეგმაზომიერად იმისთვის, რომ წლის ბოლოს მოვიპოვოთ ევროკავშირის კანდიდატის სტატუსი, რაც ნიშნავს უსაფრთხოებას და ეკონომიკურ კეთილდღეობას ჩვენთვის;
4. ყველა ეს ქმედება განვახორციელოთ ერთად, სწორედ ისე, როგორც გავაკეთეთ დღევანდელი დღე. ” განაცხადა ვაშაძემ.

შეგახსენებთ, 25 იანვარს გაიმართაბსამი ოპოზიციური პარტიის  „სტრატეგია აღმაშენებელი“, „გირჩი – მეტი თავისუფლება“ და „დროა“ ბრიფინგი და დაანონსდა სამოქალაქო „ეროვნულ განმათავისუფლებელი მოძრაობის” დაწყება და აქცია 24 თებერვლას. იგივე ბრიფინგზე გაჟღერდა ისიც, რომ აქციები იქნებოდა მზარდი.