“სასწრაფოდ საკვები, პლედები და  ექიმთა ბრიგადები, თორემ, ხვალ ვერ გადამირჩებით” – ნათელაშვილი

ლეიბორისტური პარტიის ლიდერი, შალვა ნათელაშვილი:

“რიკოთზე ხალხს სცივა, შია და ზოგიერთს უკვე წამლებიც სჭირდება. დაარიგეთ სასწრაფოდ ცხელი საკვები, პლედები და გაუშვით ექიმთა ბრიგადები წამლებით. გამოიყენეთ ჯარი, სამხედრო ტექნიკა და საველე სამზარეულოები საკვების გასაცხელებლად და ხალხის გასათბობად. გაშალეთ დათბუნებული კარვები. დროზე ქენით, თორემ, იმედია, იცით, ხვალ დილიდან ვერ გადამირჩებით პერსონალურად – ვერც ერთი მინისტრი თუ გებერნატორ-მერი. პ.ს არ წახვიდეთ საჩხერის გზით ანუ ბიძინას გზით.ჯერ ერთი იქ უკვე საშინელი საცობია და რაც მთავარია ეს მონაკვეთი ფაქტობრივად მახეა ზამთარში, მკვეთრი საავარიო აღმართებითა და დაღმართებით. ეგ გზა მაინც გაეკეთებინა ამ მამაცხონებულ ოლიგარს ადამიანურად, იცის ერთადერთი ალტერნატივაა რიკოთის.

რიკოთზე შექმნილი სატრანსპორტო კოლაპსის გამო სადაც ხალხი ხელისუფლების უპასუხისმგებლობის შედეგად შიმშილობს და იყინება ლეიბორისტული პარტიის ზესტაფონის,ხარაგაულის,ხაშურის,თერჯოლის და ქუთაისის ხელმძღვანელებს დაევალათ სასწრაფოდ გაემგზავრონ თოვლსა და ქარბუქში მოყოლილ ხალხთან ყველა შესაძლო დახმარების აღმოსაჩენად და ორგანიზაციული საკითხების ოპერატიულად ადგილზე გადასაწყვეტად.”

ცნობისთვის, რიკოთის გვირაბთან ავტოსაგზაო შემთხვევამ რამდენიმესაათიანი საცობი გამოიწვია. მძღოლების ნაწილი დასავლეთიდან აღმოსავლეთში მოხვედრას ე.წ საჩხერის გზით ცდილობს. მეორე ნაწილი კი მოძრაობის აღდგენას ელოდება.

შეგახსენებთ, რომ რიკოთის უღელტეხილზე ორი სატვირთო ერთმანეთს შეეჯახა. შემთხვევის შედეგად არავინ დაშავებულა.