“ბაჩანა შენგელიას ვეტყოდი, გააგრძელოს ბრძოლის ის გზა რაც მან აირჩია” – გახარია

ყოფილი პრემიერ–მინისტრი, გიორგი გახარია, “ტვ პირველთან”, ბაჩანა შენგელიაზე დასმული კითხვის პასუხად ამბობს

–ბაჩანა შენგელიას ვეტყოდი, ღრმად ვუთანაგრძნობ იმ ტრაგედიას, რაც მის ოჯახში მოხდა და გააგრძელოს ბრძოლის ის გზა რაც მან აირჩია. ყოველთვის, რითიც შევძლებ, მისი და ამ ტრაგიკული დანაკარგის თანაგრძნობით ვიქნები.

შეგხსენებთ, ია კერზაიას სალომე ზურაბიშვილის საარჩევნო კამპანიაში მონაწილეობას აიძულებდნენ, უარის შემდეგ კი თანამდებობიდან გაათავისუფლეს, რის შედეგადაც მან ინსულტი მიიღო.  პოლიტიკურ ანგარიშსწორებაზე ია კერზაიამ საავადმყოფოში მოხვედრამდე, „რუსთავი2“–თან თავად ისაუბრა.

კერზაია ყვებოდა რომ მას შემდეგ, რაც დირექტორმა პედაგოგების საარჩევნო პროცესში უკანონოდ ჩართვაზე უარი თქვა, ანონიმური წერილის საფუძველზე გენ. ინსპექციამ თბილისიდან ზუგდიდში ორი თანამშრომელი გაგზავნა და მეექვსე სკოლის შემოწმება დაავალა. შემოწმების დღეს რეგიონს წყალი არ მიეწოდებოდა და სკოლაშიც საპირფარეშოები იყო გაუმართავი. ოფიციალური ინფორმაციით სწორედ ამ მოტივით უპირებდნენ ზუგდიდის მეექვსე სკოლის დირექტორს პოსტიდან დათხოვნას, პირად საუბარში კი ია კერზაიას აუხსნეს, რომ რეალური მიზეზი სალომე ზურაბიშვილის კამპანიაში ჩართვაზე უარის თქმა იყო.