“რა ზომისაა ქართველების მოთმინების ფიალა, რომელიც აქამდე ვერაფრით გაივსო”

ანალიტიკოსი, ზურაბ ბატიაშვილი, აქვეყნებს ფოტოს და წერს:

“1921 წელი დადგა საქართველოში იმ განსხვავებით, რომ ამ ოკუპაციას კონკრეტული თარიღი ანუ 25 თებერვალი არ აქვს, რადგან ეს პროცესი მცოცავია.

რა თქმა უნდა, საქართველოს რუსეთთან დამსგავსების/მცოცავი ოკუპაციის პროცესი “აგენტების” შესახებ კანონის მიღებით არ დასრულდება. ამას მოჰყვება კანონი “დეზინფორმაციის” შესახებ და არამარტო.

რა თქმა უნდა, იქნება კიდევ უფრო მეტი რეპრესიები. რუსული ოკუპაცია განა სხვა რამეა? ომი და ოკუპაცია მხოლოდ თოფის სროლით არ ხდება.

რა თქმა უნდა, ასეთი ქვეყნის ადგილი ვერ იქნება ევროპაში/დასავლეთში და ამიტომაც ამზადებენ საზოგადოებრივ აზრს ვიზალიბერალიზაციის გარეშე ცხოვრება ჯობია და კიდევ ათას სისულელეს იძახიან. და არც გაჩერდებიან.

პირადად მე, არსად გაქცევას არ ვაპირებ და ბოლომდე ვაპირებ ბრძოლას ამ ქვეყნისთვის.

უბრალოდ მაინტერესებს, რა ზომისაა ქართველების მოთმინების ფიალა, რომელიც აქამდე ვერაფრით გაივსო.”