“არ მინდოდა ამის თქმა, მაგრამ მთვარობას შეგვიძლია “დავკეტოთ” – ღარიბაშვილი

საქართველოს პრემიერ-მინისტრის, ირაკლი ღარიბაშვილის განცხადებით, ნავთობის მსხვილი იმპორტიორები მთავრობის წარმომადგენლებს დაჰპირდნენ, რომ საწვავის ფასი შემცირდება.

როგორც ირაკლი ღარიბაშვილმა მთავრობის სხდომაზე აღნიშნა, იმ შემთხვევაში თუ იმპორტიორები ნავთობზე ადეკვატურ მარჟებს არ დააწესებენ, მთავრობას მათ საწინააღმდეგოდ ბერკეტები ექნება. მისივე თქმით, ევროპაში ნავთობის ფასის ზედა ზღვარი არსებობს, რისი დაწესებაც მთავრობას საქართველოში არ სურს, ამიტომ იმედი აქვთ იმ საუბრის, რომელიც ნავთობიმპორტიორებთან გაიმართა.

“გამოიკვეთა რომ მარჟები რაც აქვთ დაწესებული არ იყო გონივრული, დაწყებულია ფასების კლება. შეგვპირდნენ, მეტად დააკლებენ. ეს ინფლაციას სემაცირებს მნიშვნელოვნად. მათი არგუმენტები მოვისმინეთ, მაგრამ თუ ვნახავთ, რაციონალური მარჯებით არ გაგრძელდება, გვაქვს ბერკეტები, არ მინდოდა ამის თქმა, მაგრამ მთვარობას აქვს ბერკეტები, რეგულაციები, შეგვიძლია დავკეტოთ, მაგალითად… ენერგოკრიზისი არის ერთ–ერთი მთავარი პრობლემა. ევროპის ქვეყნებმა გადაწყვიტეს ეს პრობლემა ე.წ. დაკეტვით, ზედა ზღვარი. ზედა ჭერი განსაზღვრეს.”