სამხედრო ექსპერტი, ამირან სალუქვაძე:
„გადავავლე თვალი ჩვენი “არტ-ელიტის” პოსტებს და კომენტარებს.
თურმე საკუთარ ნახატს რომ ჩააბარებ გამოფენას და მერე მოიპარავ, სურათის ადგილას კედელზე მოკითხვას დაწერ, ამას ჰქვია “პერფორმანსი”, ქართულად სანახაობა.
საკუთარი ნახატი წაიღოო და საქმე რისთვის აღიძრაო?
ბანკშიც ხომ გაქვთ ანაბარი, შედით და მოიპარეთ?! ოღონდ არ თქვათ სხვადასხვააო, სად ბანკი და სად გამოფენაო?! სხვა ქვეყანაში სცადეთ, ჩააბარეთ გამოფენას ან მუზეუმს და სცადეთ მოპარვა.
ერთმა თანამშრომელმა ვრცელი წერილი დაწერა. ახსნა ეს ყველაფერი. ლამის ჩაქოლეს, რადგან “ელიტის” საპირისპირო აზრი გამოთქვა. სამარცხვინო პოსტად შერაცხეს.
საინტერესო ისაა, რომ ყველაზე მეტად ისინი აქტიურობენ, რომლებსაც ხელოვნებასთან შეხება არ აქვთ.
თანაც ისე იმოძღვრებიან, რომ მათი საპირიაპირო აზრი წინასწარ მტრულად აღიქმება. თუ ჩავარდი მათ პირში, ისე გადაგივლიან, თვალს არ დაახამხამებენ.
რომ ჰკითხო ევროპული ღირებულებების გამო იოგებს გადაიხევენ. საპირიაპირო აზრს კი ისეთი სიძულვილის და ზიზღის ენით ებრძვიან, მიმიქარავს 20-ანი წლების ბოლშევიკები.
ერთი კომენტარი ასეთი იყო: “ამოწყდით სსრკ-ში დაბადებულებიო”.
ერთმა სააკაშვილის დროს 14 წლის ბავშვისთვის 10 წლის მისჯას შეადარა, ბურთის ქურდობის გამო. ერთი და იგივეა ბავშვი და სრულწლოვანი, ბურთი და გამოფენის ექაპონატი?
რატომღაც თავისიფალი აზრი ჰგონიათ აუცილებლად კანონების, წესების, ეთიკის და აუცილებლად ყველა საკითხში უმრავლესობის წინააღმდეგ წასვლა. უმრავლესობას რომ რაიმეში დაეთანხმონ, მაშინ ელიტის წარმომადგენლები აღარ იქნებოდნენ.
ისე როგორ იქნებოდა, პრეზიდენტი არ გამოქომაგებოდა. დღევანდელი სიუჟეტებით მივხვდი რატომაც. ახლა მთლად ვიდეო დადო.
მესმის, ადამიანს ალბათ სურდა გამოფენის მიმართ ყურადღების მიქცევა. თუმცა, გვარი მაინც ვერ დავიმახსოვრე. ერთდღიანი სანახაობაა. ხვალ არავის ემახსოვრება.
ჰო, არ ვამბობ, რომ უნდა დაიჭირონ და მიუსაჯონმ შსს-ში როცა ქურდობის შესახებ შეტყობინება შედის, საქმე აღიძვრება. დანარჩენს გაარკვევენ.
უბრალოდ, გამოფენა და მუზეუმი ბინიას ბაღი არაა. ის წარწერა, ხელოვნება თავიაუფალიაო, დაეხატა ტილოზე და ჩაებარებია, ან ფეისბუკზე დაწეროს. სხვის კედელზე რა უფლებით დაწერა? ნივთს როცა ლომბარდში აბარებ, შენი აღარაა. ისეა მუზეუმიც. როგორც ჩააბარე, უსევე უნდა გამოიტანო, დადგენილი წესით.“
კომენტარები