ლევან ჯავახიშვილი
„ალიას“ ესუბრება „არმიის სამოქალაქო კონტროლის ჯგუფის“ ხელძღვანელი, თავდაცვის ძალების თადარიგის ოფიცერი, პოლიტიკური დევნილი, დავით ნემსაძე:
– ვაზიანის ბრიგადის მეთაურმა, პოლკონიკმა გიგა ჯინჭარაძემ სოც–ქსელში საპასუხო შეურცხყოფა მოგაყენა და დაგემუქრა კიდეც. ეს მოჰყვა შენს მიერ გამოქვეყნებულ პოსტს „ფეისბუკში“. ამის შესახებ რას იტყვი? (მკითხველს აქვე ვთავაზობთ „სქრინებს“).
– რა აზრიც არ უნდა გამოვთქვა, რა ფორმითა და რამდენად მიუღებელიც არ უნდა იყოს ეს კონკრეტულად გიგა ჯინჭარაძისთვის, როდესაც სამხედრო პირია, თმენის ვალდებულება აკისრია და სიტყვიერ შეურაცხყოფასა და მუქარაზე თავი უნდა შეიკავოს. სიტყვიერ შურაცხყოფასაც გააჩნია–უშვერი სიტყვებით გამლანძღა. ჯინჭარაძე მაღალი რანგის ოფიცერია, მას თუ რაიმე არ მოსწონს ვინმეს პოსტში, მისთვის თუ მიუღებელი და შეურაცხმყოფელია, უნდა მიმართოს თავდაცვის სამინისტროს პრეს–ცენტრს, რომელიც ადრესატს გასცემს ზოგად პასუხს და თუ საჭიროდ ჩათვლა, კონკრეტული თანამდებობის პირის სახელითაც. ასევე, არსებობს სხვა გზაც.
ჯინჭარაძეს შეეუძლია სასამართლოს მიმართოს, პროკურატურას მიმართოს, მაგრამ ეს არ იცის ამ უტვინო კაცმა. ამას ბრიგადის მეთაურს, რომელსაც 4000 ჯარისკაცი და ოფიცერი აბარია, მე არ უნდა ვუხსნიდე. თუმცა,რაც უფრო უწიგნური და გაუნათლებელია ადამიანი,მით უფრო მეტი შანსი აქვს თავდაცვის სამინისტროში დაწინაურებისა. რაც ჯინჭარაძემ მაკადრა, მაგინა და დამემუქრა, მოგცემ სქრინებს და დაურთე ამ სტატიას, ნახოს საზოგადოებამ, რა ზრდილობის, რა ლექსიკის პატრონი მეთაურობს ვაზიანის ბრიგადას. მან გადაწყვიტა დედის გინებით, ჩხუბით, შეურცხყოფით და ქვეშევრდომთა რესურსით, ინტერნეტით ბრძოლა გამოეცხდებინა ჩემთვის. მაგისი არ მეშინია. ღმერთმა დამიფაროს, ჯინჭარაძემ შემაშინოს. თუმცა, სამხედრო მოსამსახურე რომ ხარ, გარკვეულ სამოქალაქო უფლებებზე უარს ამბობ და ამაზე ხელს აწერ, თანხმდები. შესაბამისად, გეკისრება გარკვეული თმენის ვალდებულება. ეს არის აშკარა მუქარა და სისხლის სამართლის დანაშაული– მოკვლით მემუქრება ბრიგადის მეთაური, რომლის დაქვემდებარებაშია 4000 ადამიანი, ტანკები, ჯავშანტექნიკა, ქვემეხები, ტყვიამფრქვევები და ასეთ რაღასაც ამბობს,ადამიანს მკვლელობით ემუქრება. ეს უკვე ძალიან სახიფათოა. ხვალ შიძლება კიდევ ვიღაცის პოსტი არ მოეწონოს, ვიღაცამ ცუდად უთხრას რაღაც და რა გარანტია გვქვს, რომ მის წინააღმდეგ, მის ხელთ არსებულ სამხედრო რესურსს არ გამოიყენებს? თუნდაც, ვინმეს ავტომატით არ გადაცხრილავს? თმენის ვალდებულება ფეხებზე ჰკიდია და ეს უკვე დაადასტურა. ფეხებზე ჰკიდია ის საზოგადოებაც, რომელიც მას ხელფასს უხდის. ამას უყურებს თავადაცვის სამინისტრო, შს სამინისტრო, პროკურატურა და ხმას არ იღებენ, არც სამხედრო პოლიციას და არც თავდაცვის სამინისტროს გენინსპექციას მოკვლევა ჯერ არ დაუწყიათ ამ საქმეზე. ჯინჭარაძეა ის კაცი, რომელმაც ჯარიდან გააგდო ნოდარ ადუაშვილი, არჩილ გულაშვილი გააგდო, 4 შვილის მამა, რომელიც ორჯერ დაიჭრა ავღანეთში და მგონი, ყველა ჯილდო აქვს მიღებული, რასაც ცოცხლად გადარჩენილ ჯარისკაცს აძლევდნენ იმ მისიაში. რატომ გააგდო იცი გულაშვილი? „პახმელიაზე“ ხარო და მორჩა, გაუშვა ეგრევე. „პახმელიაზე“ რომც ყოფილიყო, ასეთ დროს, ჯარში არსებობს სამი საყვედურის უფლება და მეოთხე გადაცდომის მერე გაქვს უფლება ჯარიდან დაითხოვო ქვემდგომი, მანამდე სყვედურები უნდა გამოუცხადო. ჯინჭარაძე არის ის კაცი, რომელიც უცხოურ მისიებში ხალხის წასაყვანად, ერთ კაცზე 1000 დოლარს იღებდა, ამ თანხის ნაწილს ზემოთ აგზავნიდა ვახტანგ კაპანაძესთან და სხვებთან. ამას მე არ ვიგონებ, თავად მისიებში მყოფი სამხედროები ამბობენ. ჯინჭარაძისნაირ ხალხს ახალისებს გენშტაბის ყოფილი უფროსი, ამჟმად პარლამენტის დეპუტატი, ვლადიმერ ჩაჩიბაია, რომელიც თავად იყო ძალადობის მომხრე. თუ ჯინჭარაძის საქციელზე არ მოხდა სათანადო სამართლებრივი რეაგირება, მაშინ ამას გადავიტან პოლიტიკურ ჭრილში და მოვუწოდებ ვეტერან სამხედროებს აქციების მოსაწყობად. ეს არ არის პირადი გაუგებრობა, ეს არის მაღალი სამხედრო თანამდებობის პირის მიერ ჩადენილი სისხლის სამართლის დანაშაული.
სტატიაში მოყვანილ პერსონებს თუ პრეტენზია ექნებათ დავით ნემსაძის მიმართ, შეუძლიათ „ალიას“ დაუკავშირდნენ და მათ პოზიციას ოპერატიულად დავაფიქსირებთ – 593-517-337
კომენტარები