პარტია “საქართველოსთვის” ერთ–ერთი ლიდერი, კახა ქვემოკლიძე, გიორგი მუმლაძეს პასუხობს და წერს:
“ბ-ნი მუმლაძის კომენტარებზე სერიოზული კომენტარის გაკეთება რთულია, თუმცა ოცნების პროპაგანდისტული მანქანა წყალწაღებულივით როგორც ყოველთვის ხავს მოეკიდა.
როგორც ჩანს ოცნების “მეგა ტვინების” მსგავსად ბ-ნ მუმლაძეს თავად აქვს პრობლემები “კოალიციის” მნიშვნელობის გაგებასთან, ან აღქმასთან დაკავშირებით. კოალცია ნაც. მოძრაობას რომ მოენდომებინა ჩვენთან, ამას ეგენი კი არა ჩვენ არ დავუშვებდით. რატომ?! იმიტომ რომ, ამ პარტიას ხელისუფლების დაკარგვის 10 წლის თავზეც კი იდეოლოგიურ-ღირებულებითი აღრევა/კრიზისი აქვს საკუთარ წარსულთან და როგორც ჩანს მომავალთანაც კი. ეს ყველაფერი ნათლად დასტურდება იმ ქაოსით, რაც ახლა ხდება მათ თავს.
ზოგადად, შემიძლია ერთი რამ დაუდასტურო ბ-ნ მუმლაძეს და მის სხვა სიტუაციურ მოკავშირეებს ოცნებაში – დიახ ძვირფასებო, სამეგრელოში, რუსთავში და სხვაგან ნაც. მოძრაობის, ისევე როგორც ოცნების ერთპარტიული მმართველობის ხანის დასრულებაში ნამდვილად მივიღეთ მონაწილეობა და ეს გაგრძელდება მომავალშიც! ეს ყველაფერი კი გაკეთდა ყოველგვარი რევოლუციების, შენობებში შევარდგა-გამოვარდნის გარეშე. ასე მოხდება 2024 წელსაც. ენმ-ზე უკვე არა ნაკლებ დეგრადირებულ ოცნებასაც და თავად ენმ-საც მოუწევს იძულებითი პოლიტიკური ევოლუციის გზით სვლა წინ პროგრესისკენ, არა საკუთარი ჯიბეების და კეთილდღეობის, არამედ მხოლოდ და მხოლოდ ამ ქვეყნის სახელმწიფო ინტერესების სასიკეთოდ!”
კომენტარები