“პარტიისთვის კატასტროფა იყო გახარიასთან კოალიციის შექმნა” – გიორგი მუმლაძე

„ნაციონალური მოძრაობის“ თავმჯდომარეობის კანდიდატმა, გიორგი მუმლაძემ „ტვ პირველის“ ეთერში განაცხადა:

„გიორგი გახარიასთან კოალიციის შექმნამ პრაქტიკულად ჩამოშალა ის ინფრასტრუქტურა, რომელი ინფრასტრუქტურის ნაწილიც იყო ძალიან ბევრი ჩვენი პატრიოტი ადამიანის მხარდაჭერა მათ შორის ღიად და ჩვენ გამოვჩნდით ადამიანები, რომლებიც მთელი ამ წლების განმავლობაში გიორგი გახარიას ვაძახებდით რომ რუსია, თვალები დაგვთხარა, როდიონოვს ვამსგავსებდით ამ ადამიანს და უცებ იქმნება კოალიცია. ამაზე მე მქონდა ჩემი საჯარო პოზიცია და პირდაპირ ვთქვი მიუხედავად იმისა, რომ ბევრს ეს არ მოეწონა, ეს იყო კატასტროფა პარტიისთვის. მართლაც ასე მოხდა და ახლა როგორ გინდა დააჯერო კიდევ ერთხელ ხალხი რომ შენ ანტისახელმწიფოებრივ ნაბიჯს არ გადადგამ.

ახლა გაიგეთ? რა უცნაურია. საკრებულოში კოალიცია რომ შექმნეს „ნაცმოძრაობამ“ მელიას ხელმძღვანელობით და გახარიამ, აქამდე არ იცოდით? ორი წლის წინანდელ ამბავზე მეკითხებით, ყველამ იცის, ეს. მსგავსმა ფაქტმა ძალიან ცუდი გავლენა იქონია ჩვენს მხარდაჭერებში. პარტიაზე გაბრაზდნენ ჩვენი მხარდამჭერები, რომ 2022 წელს, მელიას გადაწყვეტილებით საკრებულოში გახარიასთან შეიქმნა კოალიცია“