ნაციონალური მოძრაობის თავმჯდომარე, ნიკა მელია, ტელეკომპანია “ფორმულასთან” პასუხობს ჟურნალისტ გიორგი თარგამაძის კითხვებს.
ნიკა მელია:
-მე ვიყავი პარლამენტის წევრი, გარკვეული დროის განმავლობაში და არ არსებობდა, ჩემი საპარლამენტო სხდომის დარბაზში შესვლა და იქ არ ყოფილიყო გავარვარებული პოლიტიკური საპარლამენტო პროცესი, მსგავს რამეს ხედავთ ახლა თქვენ იქ? იქ არა ჰყავთ კობახიძე, მდინარაძე? ბატონები, რომლებიც თქვენ ეთერებშიც დადიან, საუბრობენ მიხეილ სააკაშვილის დახსნაზე, თუმცა, არანაირ გეგმას არ წარმოადგენენ დღემდე, საუბრობენ უკმაყოფილობაზე, რომელიც რა არის და რას შეიცავს არავინ იცის და ამავე დროს, არიან მოქმედი პარტიის თანამდებობის პირები და მოქმედი პარლამენტის წევრები? რაიმე აქტივობა გვახსენება პარლამენტში? მე ვუშლი ხელს? მე არ ვავალებ?
გიორგი თარგამაძე:
-არიან ცალკეული დეპუტატები, დაწყებული ანი წითლიძით…
ნიკა მელია:
-ეგ გამონაკლისია
გიორგი თარგამაძე:
-და გაგრძელებული ლევან ხაბეიშვილით, არიან დეპუტატები, რომლებიც პოლტიკურ განცხადებებს აკეთებენ…
ნიკა მელია:
-4-5 დეპუტატის გარდა…
გიორგი თარგამაძე:
-თუმცა, თუ თქვენ უკმაყოფილო იყავით, ნაციონალური მოძრაობის საპარლამენტო წარმომადგენლობით, როგორც პარტიის თავმჯდომარემ, კატეგორიულად რატომ არ დააყენეთ საკითხი ან იმ ჯგუფის გააქტიურების, თქვენ ხართ მათი ლიდერი, ან საერთოდ პარლამენტის დატოვების.
ნიკა მელია:
-სანამ 9 ნოემბერს გაკეთდებოდა ის განცხადება, ოქტომბრის თვიდან პარტიის ცენტრალურ ოფისში ვსაუბრობდით დეტალურად ყველა საკითხთან დაკავშირებით, ძირითადად მიხეილ სააკაშვილის კარსმომდგარ სასამართლო პროცესებთან დაკავშირებით და ვცდილობდით მიგვეღო გადაწყვეტილება, როგორ უნდა წარემართა პარტიას საქმიანობა. ყველა აქტიური წევრი უნდა ჩაგვერთო, რომ ეს გადაწყვეტილება, რომელიც იქნებოდა მძიმე, ყოფილიყო მიღებული ბევრი ადამიანის ჩართულობით. შიგნით ერთხელაც არ დასმულა საკითხი, რომ ჩვენ ახლა უნდა გამოვიდეთ, დავდგეთ და მოვითხოვოთ ვადამდელი არჩევნები პარტიის შიგნით.
ნიკა მელიას ინტერვიუს მსვლელობისას, რამდენჯერმე იმეორებს, რომ ნაციონალური მოძრაობის საპარლამენტო ფრაქციაში რამდენიმე დეპუტატის გარდა აქტიურობას ვერ ხედავს.
კომენტარები