„ერთი საინტერესო ფაქტი ამ კვლევიდან“ – რას აქვეყნებს რომან გოცირიძე

„ამერიკულმა ცენტრმა Silverado Polisy Accelerator-მა ჩაატარა კვლევა რუსეთში ელექტრონული საქონლის იმპორტის წარმატებით აღდგენის შესახებ. ეს “შემოვლითი გზებით”, ხშირ შემთხვევაში სანქციების გვერდის ავლით ხდება. ერთი საინტერესო ფაქტი ამ კვლევიდან: სომხეთიდან რუსეთში ექსპორტი 2022 წელს 2021 წელთან შედარებით 2,8-ჯერ გაიზარდა. 2021 წელს იყო 0,6 მილიარდი დოლარი, 2022-ში კი 1,7 მილიარდი დოლარი. ეს განპირობებული იყო რუსეთში ისეთი საქონლის შეტანით, რომელთა პირდაპირ მიწოდებაზე უარი თქვეს მწარმოებელმა. ამას ე. წ. პარალელური იმპორტი ჰქვია. ამაში სანქცირებული საქონელიც მოიაზრება. მაგალითად, სომხეთში მხოლოდ ერთ თვეში, აგვისტოში შემოტანილი იქნა იმდენი სმარტფონი, რამდენიც შემოჰქონდათ მთელი წლის განმავლობაში. ამდენივე იყო იმპორტირებული სექტემბერშიც. სომხეთიდან რუსეთში აგვისტოს თვეში გატანილი იყო 49 მილიონი დოლარის ღირებულების, ხოლო სექტემბერში 78 მილიონი დოლარის ღირებულების სმარტფონები, მაშინ როცა მთელი 2021 წლის განმავლობაში მხოლოდ 0,2 მილიონი დოლარის ღირებულების სმარტფონები იყო ექსპორტირებული.