„იყო ჰომოსექსუალი არ არის დანაშაული“ -რომის პაპი

რომის პაპის ფრანცისკეს განცხადებით, ღმერთს ყველა თავისი შვილი ისეთი უყვარს, როგორიც ისინი არიან.

პონტიფიკოსმა კათოლიკე ეპისკოპოსებს ეკლესიებში ლგბტ ადამიანების მიღებისკენ მოუწოდა.

„იყო ჰომოსექსუალი არ არის დანაშაული“, – თქვა რომის პაპმა  Associated Press-თან ინტერვიუში.

რომის პაპმა თქვა, რომ კათოლიკე ეპისკოპოსები მსოფლიოს ზოგიერთ კუთხეში მხარს უჭერენ ისეთ კანონებს, რომლითაც ლგბტქ ადამიანების დისკრიმინაცია ხდება.

პონტიფიკოსი ამბობს, რომ ეპისკოპოსებს სჭირდებათ ცვლილებების პროცესი, რათა ყველას ღირსება აღიარონ.

„ჩვენ ყველანი ღვთის შვილები ვართ და ღმერთს ისეთები ვუყვარვართ როგორებიც ვართ. ეს არ არის დანაშაული, მაგრამ ცოდვა არის. კარგი იქნება ცოდვას და დანაშაულს ერთმანეთისგან თუ განვასხვავებთ“, – ამბობს რომის პაპი.

მანამდე კი, რომის პაპმა თქვა, რომ ეკლესიამ ლგბტ ადამიანებს უნდა მოუბოდიშოს და გზა ასწავლოს.

pia.ge