ნაციონალური მოძრაობის წევრი, დეპუტატი, ეკა ხერხეულიძე, ნიკა მელიასა და დავით კეზერაშვილის დაპირისპირებაზე საუბრისას ხაზს უსვამს, რომ იგი არ მოიხსენიებს დავით კეზერაშვილს ოლიგარქად და ეს არასოდეს უთქვამს და ამბობს:
-მე ვიყავი ამის სასტიკი წინააღმდეგი, რომ ნიკას ეს ეთქვა (კეზერაშვილზე), როცა კომფრონტაცია იწყებოდა, მაგრამ ის ამბობდა: ეს არის ჩემი პოლიტიკური არჩევანი, თქვენ ვერ ხედავთ, რასაც მიპირებენ და ეს უნდა ვთქვა. არც ეს (თანამშრომლობა) იყო ჩემი არჩევანი, ღიად იცის ყველამ, რომ მე ვიყავი წინააღმდეგი. ეს იყო მისი (ნიკა მელიას) არჩევანი, ეს იყო შეცდომა ნამდვილად, მისი მხრიდან და თუ ამ შეცდომაზე წავიდოდა, ეს ტვირთიც უნდა ეტარებინა. რაღაცა ურთიერთობები არსებობს, რაც შენი ცხოვრების წესი ან არის ან არ არის.
პარტნიორობა იწყება და სრულდება, დაწყებასაც თავისი ფორმა აქვს, დასრულებასაც, ექსპლუატაციასაც თავისი ფორმა აქვს პარტნიორული ურთიერთობების დარღვევისას. არ შეიძლება ვინმეს ეშინოდეს შენი როგორც პარტნიორის, მე არ მომწონს პარტნიორობის ასეთი პირობები. არასდროს არ მსმენია ამ დეტალებზე საუბარი პარტიაში, არ ვიყავით მასში აქტიურად ჩარეულები. როცა ითქვა თავიდან, გამოვთქვი აზრი, მე ვიცოდი, რომ ასე დასრულდებოდა, ძალიან ცუდია, რომ ადამიანები ახლა სწავლობენ.
კომენტარები