"რატომ არ დაიცავით ეს სააკაშვილი, თქვენთვის ესოდენ ძვირფასი?"

1,750

ნაციონალური მოძრაობის თავმჯდომარეობის კანდიდატი, ლევან ხაბეიშვილი, “ტვ პირველთან” ჟურნალისტ ინგა გრიგოლიას კითხვების პასუხად, იხსენებს 2016 წელს, როცა რამდენიმე თვით დატოვა ნაციონალური მოძრაობა და ამბობს, რომ, ასე გიგა ბოკერიას გამო მოიქცა და ბოკერიას წასვლისთანავე დაბრუნდა უკან პარტიაში.

ინგა გრიგოლია:

-თუ ბოკერია ართმევდა პარტიას, რა შუაში იყო პარტია, რომელსაც თქვენ მაშინ უწოდებდით სიკვდილს? თქვენ მაშინ უწოდებდით ნაციონალურ მოძრაობას სიკვდილს, სიკვდილს სიღარიბე ჯობდაო… ზუსტად ისე, როგორც აი, ქართული ოცნება ამბობდა… რატომ არ დარჩით მაშინ და რატომ არ დაიცავით ეს სააკაშვილი, თქვენთვის ესოდენ ძვირფასი, ბოკერიასგან?

ლევან ხაბეიშვილი:

-9 წლის წინანდელ თემებზე ვსაუბრობთ… ხომ შეიძლება მომავალზე ვილაპარაკოთ? მე მაინტერესებს მომავალი. 2008 წლიდან ვარ ნაციონალური მოძრაობაში.

ინგა გრიგოლია:

-სიკვდილს უწოდებდით, ადამიანო.

ლევან ხაბეიშვილი:

-ეს დაკავშირებული იყო იმ პარტიასთან, რომელშიც გიგა ბოკერიამ წაართვა ნაციონალურ მოძრაობას 21 კანდიდატი.

ინგა გრიგოლია:

-დარჩენილიყავით და დაგეცვათ ეს მიშა სააკაშვილი ამ ბოკერიასგან და ჩერგოლეიშვილისგან, სიკვდილს რაღაზე უწოდებდით.

ლევან ხაბეიშვილი:

-მე რანაირად უნდა დაემცვა, 27-დან 21 კაცი წავიდა… კითხვას მისვამთ და მერე არ მაპასუხებინებთ.

ინგა გრიგოლია:

-იცით რა, მე ვარ გაოგნებული თქვენი დღევანდელი ურთიერთობით, მე მიყვარს ხოლმე ჩემი რესპოდენტი როცა არის ლევან ხაბეიშვილი. რატომ ხართ თავდასხმის რეჟიმში?

ლევან ხაბეიშვილი:

-არა, მინდა რომ გიპასუხოთ…

ინგა გრიგოლია:

-ლევან, კრიტიკული კითხვები არ დაგისვათ?

ლევან ხაბეიშვილი:

-როგორ გეკადრებათ, გითხარით, რომ კითხვები არ უნდა დამისვათ?

ინგა გრიგოლია:

-ღმერთო ჩემო.

ლევან ხაბეიშვილი:

-წინა ეთერშიც ასე მოხდა და ახლაც იგივე მოხდა, დედას გეფიცებით…

ინგა გრიგოლია:

-ხომ გითხარით, ბოკერია მიყვარს-თქო და ბოკერიას ვიცავ…