“ნიუ ჰოსპიტალსში” იტალიიდან მოწვეული სპეციალისტები სკოლიოზის ქირურგიულ მანიპულაციებს ჩაატარებენ

„ნიუ ჰოსპიტალსსა“ და იტალიის ორთოპედიულ ინსტიტუტს (IOMI “Franco Scalabrino”) შორის ურთიერთ თანამშრომლობის ფარგლებში, 13 -14 თებერვალს „ნიუ ჰოსპიტალსის“ ორთოპედიისა და ტრავმატოლოგიის ცენტრს, 20 წლიანი გამოცდილების მქონე ორთოპედ-ტრავმატოლოგი ალესანდრო პისანი და ამავე ინსტიტუტის ორთოპედ-ტრავმატოლოგი ლუიჯი სოლიერა ეწვევიან.

იტალიელი სპეციალიტები „ნიუ ჰოსპიტალსში“ პერიოდულად ჩამოდიან და სკოლიოზის რთული შემთხვევების მქონე პაციენტებს იღებენ. ამჯერად, სპეციალისტები სკოლიოზის ქირურგიულ მანიპულაციებსაც ჩაატარებენ.

პაციენტების წინასწარი შერჩევა „ნიუ ჰოსპიტალსის“ ორთოპედიისა და ტრავმატოლოგიის ცენტრში მიმდინარეობს. სკოლიოზის დადასტურებული დიაგნოზის მქონე პირებს შესაძლებლობა აქვთ, სრულიად უფასოდ, წარადგინონ ხერხემლის რენდგენოლოგიური კვლევა ან/და მაგნიტურ რეზონანსული ტომოგრაფია. სამედიცინო დოკუმენტაციას იტალიელი და ქართველი სპეციალიტები ონლაინ კონსილიუმზე განიხილავენ. ქირურგიული ჩარევის საჭიროების მქონე პაციენტებთან კი დაიგეგმება ოპერაცია, რომელსაც იტალიელი სპეციალისტები საქარველოში ვიზიტისას განახორციელებენ.
სამედიცინო დოკუმენტაციის წარსადგენად მიმართეთ „ნიუ ჰოსპიტალსის“ საინფორმაციო სამსახურს, ნომრზე: 032 2 190 190 და წინასწარ დაჯავშნეთ ჰოსპიტალში ვიზიტი.