ქრისტიანების ნაწილი ქრისტეს აღდგომის დღესასწაულს დღეს ზეიმობს.
თბილისის მარიამ ღვთისმშობლის ზეცად აღყვანების კათოლიკურ კათედრალურ ტაძარში, ისევე როგორც ყველა მოქმედ კათოლიკურ ეკლესიაში, ღამისთევის სააღდგომო ლიტურგია გუშინ ღამის 23:30 საათზე ჩატარდა.
კათოლიკური ეკლესიის გარდა, აღდგომის დღესასწაულს დღეს ზეიმობს სომეხთა სამოციქულო ეკლესიაც. თბილისის სურბ გევორქის საკათედრო ტაძარსა და ავლაბრის სურბ ეჯმიაძინის ეკლესიაში სადღესასწაულო წირვა 10:30 საათზე დაიწყება. მრევლი წირვას გამაძლიერებლების საშუალებით ეზოში მოისმენს, სადაც ისინი დისტანციის დაცვით განლაგდებიან. ეკლესია ლიტურგიის ონლაინტრანსლირებასაც უზრუნველყოფს, რათა მრევლმა სადღესასწაულო ღონისძიებებში მონაწილეობა მიღება სახლიდან გაუსვლელადაც შეძლოს.
დღეს აღდგომას ევანგელურ-ლუთერული ეკლესიაც აღნიშნავს.
აღდგომის ბრწყინვალე დღესასწაულს მართლმადიდებელი ეკლესია 19 აპრილს იზეიმებს.
კომენტარები