რესპუბლიკელი კონგრესმენი კევინ მაკკარტი შეერთებული შტატების წარმომადგენელთა პალატის სპიკერად აირჩიეს. მიუხედავად იმისა, რომ წარმომადგენელთა პალატაში პარტიას უმრავლესობას უკავია, მაკკარტი სპიკერად კენჭისყრის 15 რაუნდის შემდეგ აირჩიეს.
რესპუბლიკურ პარტიაში მაკკარტის მოწინააღმდეგეები ამერიკის ყოფილი პრეზიდენტის, დონალდ ტრამპის მხარდამჭერები იყვნენ.
სპიკერად არჩევის შემდეგ, მაკკარტიმ დაწერა: “იმედია, ამ კვირის შემდეგ ერთი რამ ნათელია: მე არასოდეს დავნებდები და არასოდეს დავნებდები თქვენთვის, ამერიკელი ხალხისთვის”.
მაკკარტის გამარჯვება აშშ-ის პრეზიდენტმა, ჯო ბაიდენმა მიულოცა და განაცხადა, რომ მოუთმენლად ელის რესპუბლიკურ პარტიასთან თანამშრომლობას.
ამერიკის პოლიტიკაში წარმომადგენელთა პალატის სპიკერს ერთ-ერთი ყველაზე მნიშვნელოვანი როლი უკავია. ეს პოსტი, აშშ-ის პრეზიდენტისა და ვიცე-პრეზიდენტის შემდეგ რიგით მესამე ადგილზეა.
ცნობისთვის, 2022 წლის შუალედურ არჩევნებში რესპუბლიკელებმა წარმომადგენელთა პალატაში უმრავლესობა მოიპოვეს. სენატში კი კონტროლს კვლავ დემოკრატები ინარჩუნებენ.
კომენტარები