დღეს საზოგადოებრივი ტრანსპორტი ღამის 3:00 საათამდე იმუშავებს და გახანგრძლივებულ საათებში მგზავრობა უფასო იქნება

დღეს საზოგადოებრივი ტრანსპორტი ღამის 3:00 საათამდე იმუშავებს და გახანგრძლივებულ საათებში მგზავრობა უფასო იქნება.

როგორც დედაქალაქის მერმა კახა კალაძემ განაცხადა, საზოგადოებრივი ტრანსპორტი: მეტრო, ავტობუსი, მიკროავტობუსი და რიყე-ნარიყალას დამაკავშირებელი საბაგირო ხაზი, შობის ღამეს,  მგზავრებს ღამის 3:00 საათამდე მოემსახურება. მგზავრობა გახანგრძლივებულ საათებში უფასო იქნება.

“მინდა მადლობა გადავუხადო თბილისის სატრანსპორტო კომპანიის ყველა თანამშრომელს, ვინც ამ მნიშვნელოვან საათებში იმუშავეს და მოემსახურება ჩვენი ქალაქის მაცხოვრებლებს“, – განაცხადა თბილისის მერმა კახა კალაძემ.

ანალოგიურ რეჟიმში იმუშავა საზოგადოებრივმა ტრანსპორტმა ახალი წლის ღამითაც.