საქართველოს 8 ქალაქში – თბილისში, ქუთაისში, ბათუმში, ზუგდიდში, რუსთავში, გორში, თელავსა და ოზურგეთში მესამე პრეზიდენტის მიხეილ სააკაშვილის მხარდამჭერი სოლიდარობის აქცია იმართება.
რაც შეეხება დედაქალაქს, თბილისში ყოფილი პრეზიდენტის მხარდამჭერი აქციის მონაწილეები მშვიდობის ხიდსა და მთავრობის ადმინისტრაციასთან არიან შეკრებილი.
მათ მშვიდობის ხიდზე მიხეილ სააკაშვილის მხარდამჭერი ბანერი გადმოფინეს. აქციის მონაწილეებს, ასევე, მიტანილი აქვთ პლაკატები წარწერით „ნუ მოკლავ პრეზიდენტს“.
„მიხეილ სააკაშვილის მიმართ სოლიდარობის აქცია არაერთი ყოფილა ბოლო 1 წლის განმავლობაში, მაგრამ დღევანდელი დღე განსხვავებულია იმით, რომ მსოფლიოში იმართება აქციები. ეს არის გლობალური აქცია. ჩვენ ვართ აქ, საქართველოში, რათა კიდევ ერთხელ გამოვხატოთ მხარდაჭერა მიხეილ სააკაშვილის მიმართ.
მიმაჩნია, რომ როგორი დამოკიდებულებაც გვექნება საქართველოს მესამე პრეზიდენტის ფუნდამენტური უფლების, სიცოცხლის უფლების მიმართ, ასევე განისაზღვრება საქართველოს ბედი სამომავლოდ. ჩვენ ან დავრჩებით პოსტსაბჭოთა სივრცის უსახური ნაწილი ან კიდევ გვექნება ევროპული პერსპექტივა და საქართველო დაიმკვიდრებს თავის ადგილს, თავისუფალ ერთა შორის“, – აცხადებს ტვ პირველთან „ნაციონალური მოძრაობის“ წევრი ნუგზარ წიკლაური.
„პია.ჯი“
კომენტარები