“სააკაშვილის მდგომარეობა ამის შემდეგ გაუარესდა საგრძნობლად” – “ვივამედის” ექიმი

ვივა მედის ექიმი, თამარ აბაშიძე, სასამართლო პროცესზე, ადვოკატის, შალვა ხაჭაპურიძის კითხვას: “გაუარესდა თუ არა 4 ოქტომბრის შემდეგ მიხეილ სააკაშვილის ჯანმრთელობის მდგომარეობა, როდესაც მასთან პროკურორები და მოსამართლეები უპირებდნენ პალატაში სასამართლო პროცესის ჩატარებას?”, ასე უპასუხა:

“დაემართა ფსიქომოტორული აღზნება. ამის შემდეგ საგძნობლად გაუარესდა მისი მდგომარეობა. გარკვეულ ეტაპზე გვქონდა გაუმჯობესება. დაახლოებით, როდესაც საკვების მიღების პროცესი განახლდა, ეს არ იყო სრულყოფილი მაგრამ იყო უკეთესი ვიდრე არაფერი. იმ პერიოდში იყო გარკვეული გაუმჯობესება ნევროლოგიურადაც, ემოციურადაც, განწყობითაც, ლაბორატორიული მონაცემებიც სტაბილური იყო, შემდგომ უკვე, გარკვეული პერიოდიდან მოხდა ისევ მდგომარეობის შეცვლა. ეს იყო აგვისტოს ბოლოდან, სექტემბრის დასაყისიდან, ისევ წამოვიდა უარყოფითი დინამიკა”