“კიევის ნაციონალისტების ამაზრზენმა რეჟიმმა არსებობა შეწყვიტოს” – რუსეთის “მისია”

რუსეთის უშიშროების საბჭოს თავმჯდომარის მოადგილის და ყოფილი პრეზიდენტის, დიმიტრი მედვედევის განცხადებით, რაც მალე მიიღება უსაფრთხოების გარანტიები, მით უფრო მალე ნორმალიზდება სიტუაცია.

“რაც მალე მიიღება უსაფრთხოების მაქსიმალური გარანტიები, რაც ჩვენს ქვეყანას შეეფერება, მით უფრო მალე ნორმალიზდება სიტუაცია. თუ ჩვენ არ მივიღებთ მათ, დაძაბულობა განუსაზღვრელი ვადით გაგრძელდება.

ჩვენ ყველა საჭირო ძალისხმევას მივმართავთ, რათა “სპეციალური სამხედრო ოპერაციის” ყველა მიზანი მიღწეული იყოს და კიევის ნაციონალისტების ამაზრზენმა რეჟიმმა არსებობა შეწყვიტოს. დღეს, ჩვენს გარდა ამ მისიას ვერავინ უმკლავდება.”