ბრიტანული ტელეგრაფი აქვეყნებს სტატიას კვლევის შესახებ, რომელმაც აჩვენა, რომ ექვსჯერ ნაკლები შანსი გაქვთ კორონავირუსი დაგემართოთ, თუ BCG–ს აცრა გაქვთ გაკეთებული.
ახალმა კვლევამ დაადასტურა, რომ ქვეყნებში, სადაც ტუბერკულოზის საწინააღმდეგო Bacillus Calmette-Guérin (BCG)–ით ვაქცინაცია ფართოდ არის გავრცელებული Covid-19-ის გავრცელება და სიკვდილიანობის მაჩვენებელი ბევრად ნაკლებია, ვიდრე იმ ქვეყნებში, სადაც ეს ვაქცინაცია სავალდებულო არ არის.
როგორც ვიცით, ე.წ. ბეცეჟეს ვაქცინა ტუბერკულიოზისგან დამცავ იმუნიტეტს ავითარებს, თუმცა ამერიკელი ექსპერტები თვლიან, რომ ვაქცინას შეუძლია ზოგადად იმუნური სისტემა გააუმჯობესოს და ადამიანები სხვა ინფექციებისგან დაიცვას.
ახალი კვლევის ფარგლებში, რომლის გაანალიზება ჯერ ბოლომდე არ დასრულებულა მკვლევარებმა სიკვდილიანობის კოეფიციენტი შეაფასეს 50 წამყვან ქვეყანაში, რომლებმაც კორონავირუსით ინფიცირების ყველაზე მაღალი მაჩვენებელი დააფიქსირეს და სადაც საკმარისი მონაცემები არსებობს.
მკვლევარებმა ქვეყნის ეკონომიკური სტატუსი, ასევე მისი ხანდაზმული მოსახლეობის რაოდენობა გაითვალისწინეს, ანუ ფაქტორები, რომლებმაც შეიძლება სიკდილიანობის დონის საერთო სურათი გაამრუდონ.
ჯონ ჰოპკინსის ბლუმბერგის ჯანდაცვის საზოგადოებრივი ჯანდაცვის სკოლის ექსპერტები წერენ, რომ აშკარაა მნიშვნელოვანი კავშირი ბეცეჟეს გამოყენებასა და სიკვდილიანობის დაბალ მაჩვენებელს შორის, რაც დამაინტრიგებელია.
“მართალია Covid-19–ით სიკვდილიანობის მაჩვენებელმა ჯანდაცვისა და ეკონომიკის გლობალური სისტემები გაანადგურა, მაგრამ რეგიონული განსხვავებები აშკარაა.
Covid-19–ით სიკვდილიანობის მაჩვენებელი იმ ქვეყნებში, სადაც ბეცეჟეთი აცრა მასობრივად კეთდება სიკვდილიანობა 5.8–ჯერ ნაკლებია, ვიდრე ქვეყნებში, სადაც ამ აცრას არ აკეთებენ.“
ეს დოკუმენტი ჯერჯერობით MedRxiv–ის ონლაინ არქივზე გამოქვეყნდა და არა აკადემიურ ჟურნალში, რადგან მისთვის ჯერ სხვა მეცნიერებს რეცენზია არ მიუციათ.
სანამ ეს კვლევა მიმდინარეობდა, მთელ მსოფლიოში დაიწყო ცდები, რომლებიც კორონავირუსთან ბრძოლაში ბეცეჟეს გავლენის შესწავლას ცდილობს.
ავსტრალიაში მეცნიერების ერთი ჯგუფი იკვლევს, დაიცავს თუ არა ბეცეჟეს ვაქცინაცია ადამიანს Covid-19-ით ინფიცირებისგან თუ უბრალოდ შეამცირებს მის სიმძიმეს ჯანდაცვის სფეროს თანამშრომლებში.
მელბურნის მერდოკის სახელობის საბავშვო სამეცნიერო–კვლევითი ინსტიტუტი დაჩქარებულად იკვლევს ადამიანზე ბეცეჟეს გავლენას, რათა ის ადამიანები დაიცვას, ვინც ფრონტის წინა ხაზეეა, ანუ ექიმები.არის იმედი, რომ ვაქცინა მათ იმუნურ სისტემას გააძლიერებს. კვლევაში 4000 მოხალისე მედიკოსი მონაწილეობს.
ინსტიტუტის მკვლევარები აცხადებენ, რომ Bacille Calmette-Guérin–ს ვაქცინა მართალია ტუბერკულოზისგან დასაცავად შეიქმნა, მაგრამ ის სხვა ინფექციებისგან დამცავ იმუნიტეტსაც აძლიერებს.
newsreport.ge
კომენტარები