„თმა რომ გადაევარცხნა გვერდზე, წვერი არ მოეშვა და რაღაც მომაკვდავად არ მოეჩვენებინა თავი… ეს ადამიანი ბინძურად სიმულირებს” – მამუკა მდინარაძე

ფრაქცია „ქართული ოცნების“ თავმჯდომარე, მამუკა მდინარაძე:

„პოსტ-ტრავმული აშლილობა – ზოგადად, აშლილობა ამ ადამიანს ყოველთვის ჰქონდა. ახლა ტრავმა რამ გამოიწვია, აქ არის ფეიკი. არანაირი ტრავმა მას არ მიუღია. არანაირი წამება, როგორც თქვენ იტყოდით, მას არ ჰქონია, ოროთახიან ლუქსშია მოთავსებული და თქვენი ამხელა მონოლოგის მიუხედავად, ვერ მისახელებთ იმ დიაგნოზს, რომელი დიაგნოზითაც, ქართული კანონმდებლობის მიხედვით, შეიძლება იყოს ამ ადამიანის გათავისუფლების საფუძველი…

..თქვენც გჯერათ იმდენად მძიმეა სააკაშვილის მდგომარეობა, რომ თმის გვერდზე გადავარცხნა და წვერის გაპარსვა ვერ მოახერხა?! მე ეს არ მჯერა, და არ სჯერა საქართველოს მოსახლეობის უდიდეს უმრავლესობას, რომელმაც დღეს, შეგიძლიათ გადახედოთ სოციალურ ქსელს და ა.შ. სიმულაციაში კიდევ ერთხელ ამხილა პატიმარი, რომელმაც გადაწყვიტა, რომ ამგვარად მოატყუოს საზოგადოება. […] საქართველოს მოსახლეობის აბსოლუტური უმრავლესობა დღეს ფიქრობს, რომ მას თმა რომ გადაევარცხნა გვერდზე, წვერი არ მოეშვა და რაღაც მომაკვდავად არ მოეჩვენებინა თავი, ამის აბსოლუტური რესურსი ჰქონდა, ჩემი აზრითაც, ვეთანხმები საზოგადოების აზრს, რომ ეს ადამიანი ბინძურად სიმულირებს”