ანალიტიკოსი არჩილ გამზარდია:
„როდესაც ზოგიერთები 2012 წელს ბიძინას მხარდაჭერის მიუღებლობაზე ლაპარაკობენ, შევახსენებ, რომ ბიძინა ივანიშვილის ყველაზე საიმედო დასაყრდენი წლების განმავლობაში იყვნენ ვანო მერაბიშვილი, ზურაბ ადეიშვილი და მიხეილ სააკაშვილი, ხოლო 2003 წელს ერთადერთი შუამავალი შევარდნაძესა და მიხეილ სააკაშვილს შორის, მიხეილ სააკაშვილის სასარგებლოდ, იყო რუსეთის საგარეო საქმეთა მინისტრი იგორ ივანოვი.
2012 წელს, მაშინდელი ხელისუფლების მხარდაჭერა ისეთივე ანტისახელმწიფოებრივი იყო, როგორც დღეს ამჟამინდელი ხელისუფლების მხარდაჭერაა ანტისახელმწიფოებრივი.
ძველი ხელისუფლების მხარდამჭერები და დღევანდელი ხელისუფლების მხარდამჭერები რომ საჭირო დროს არ ყოფილიყვნენ ბრმები, ყრუები და მუნჯები, უკეთესი პოლიტიკური პერსპექტივები გვექნებოდა სახელმწიფოს, ამიტომ, არსებითად სწორედ იმ და ამ სახელისუფლებო ფანატიკოსების “დამსახურება” დიდია იმ ლაფში ყოფნაზე, რაც წლებია გვაქვს.
რომ ყოფილიყო კრიტიკის სივრცე ბევრად ფართო, ადრეც და ახლაც, ჩვენი ყოფა ასეთი მძიმე არ იქნებოდა, მაგრამ სამწუხაროდ, ფანატიკოსები გვყავს იქით თუ აქეთ გამწევ ძალად და არა მოაზროვნე, კრიტიკული გულშემატკივარი ამა თუ იმ პოლიტიკური ძალის.“
კომენტარები