პოლიტოლოგი, ლევან ლორთქიფანიძე, გორის სკოლაში მომხდარ ამბავს ეხმაურება და წერს:
“რა გახდა ერთი ჯამი ბოსტნეულის სუპი, ერთი ნაჭერი პური, ერთი ცალი ფუნთუშა, ერთი ჭიქა რძე (ლაქტოზიანი ან ულაქტოზო) და ერთი ვაშლი! ყველა მოსწავლისთვის უფასოდ! სკოლაში, დიდ დასვენებაზე! მდიდრისთვისაც და ღარიბისთვისაც, თანასწორად ყველასთვის ჩვენი საერთო სახელმწიფოსგან!
მემარცხენე მთავრობა რომ გვეყოლება, განვახორციელებთ პროექტს “კეთილი სანდალა”!
შეგახსენებთ, გამოცემა მოზაიკის ინფორმაციით, გორის საჯარო სკოლაში დაწყებითი კლასის მოსწავლე ცუდად გახდა. სკოლის დირექტორის განმარტებით, მოსწავლე სკოლაში საუზმის გარეშე მივიდა. მოსწავლეების მშობლები გამოცემასთან ამბობენ, რომ ეს ბავშვების ცუდად გახდომის და სასწრაფოს გამოძახების პირველი შემთხვევა არ ყოფილა. მათივე თქმით, ხშირად, შიმშილის მიზეზი, უსახსრობაა.
კომენტარები