“ტვ პირველის” ინფორმაციით, გამოცემა „ხოლოდის“ პოდკასტების რედაქტორი, ალექსეი პონომარიოვი, საქართველოში არ შეუშვეს.
ჟურნალისტი საქართველოში ლატვიიდან ბრუნდებოდა, როცა ის თბილისის აეროპორტში ნახევარი საათის განმავლობაში გააჩერეს, შემდეგ კი გადასცეს დოკუმენტი, რომელშიც წერია, რომ მას საქართველოს ტერიტორიაზე შესვლაზე უარი ეთქვა „სხვა მიზეზების“ გამო. ამის შემდეგ პონომარიოვი თვითმფრინავში ჩასვეს და კვლავ რიგაში გაამგზავრეს.
პუტინის კრიტიკოს ჟურნალისტს უკვე ერთი წელია, თბილისში ბინა აქვს ნაქირავები და აქ ოჯახთან ერთად ცხოვრობს. მისი თქმით, არ არსებობს არანაირი სამართლებრივი მიზეზი, რის გამოც ის საქართველოში, არ უნდა შემოეშვათ.
კომენტარები