„ხალხის ძალის“ წევრი, დავით ქართველიშვილი:
„კანადაში 1 397 000 ეთნიკური უკრაინელი, კანადის მოქალაქე ცხოვრობს. აშშ-ში მათი რიცხვი მილიონს “უკაკუნებს”, გარდა ამისა – ამერიკაში 2,5 მილიონი უკრაინელი ემიგრანტია. არც მათ რიგებში მოიძებნება იატაკქვეშეთის სამობილიზაციო პუნქტები და არც ამ ქვეყნების ხელისუფლება მოუწოდებს მათ: “წადით და თქვენი წინაპრების მიწა-წყალი დაიცავით იარაღით ხელში”. მიუხედავად ამისა, ეს ორი ძლიერი სახელმწიფო ღიად ეხმარება უკრაინას შეიარაღების მიწოდებით, თუმცა მოხალისეების რეკრუტირებით დაკავდეს – არ თვლის საჭიროდ. ისევე, როგორც არც ერთ სხვა რომელიმე ჩვენს პარტნიორ-სახელმწიფოში – მსგავსი პროცესები სახელისუფლებო დონეზე არ ხორციელდება! ყველა ეხმარება უკრაინას თავისი რეალური და საპარტნიორო წრეში შეთანხმებული ძალებითა და საშუალებით. მაგრამ, მოხალისეების მობილიზაცია არც ერთი ჩვენი პარტნიორი-სახელმწიფოს ხელისუფლების გეგმებში არ იყო და ვერც იქნება.
გამონაკლისი არც საქართველოა, სადაც სამობილიზაციო რეკრუტირების საკითხებით ჩვენი უპასუხისმგებლო და უსამშობლო “ოპოზიცია” არის დაკავებული. ხოლო POS TV-ს მიერ მოპოვებული ექსკლუზიური მასალების თანახმად, დაკავებულია ამ საქმიანობით არა ალტრუისტულ-პატრიოტულ, არამედ სარფიან ბიზნესად ქცეულ საფუძვლებზე. მაგრამ, უკვე ტრადიციად ქცეული ჩვევის თანახმად – საკუთარი ცოდვებისაგან “ისრების” გადაყვანის მიზნით, ამ ჯერზეც ხელისუფლებაზე გადაიტანეს თავისი ორკესტრირებული იერიში. ამ იერიშსაც მოვიგერიებთ, ყველა ბრძოლასაც მოვიგებთ და თქვენს მიერ, ქართული სახელმწიფოსადმი გამოცხადებულ ომშიც დაგამარცხებთ და მას თქვენი სრული კაპიტულაციით დავასრულებთ!“
კომენტარები