„ძალიან მკაცრი რეაგირება მოჰყვება“ – პრემიერი პსპ-ს ემუქრება

პრემიერ-მინისტრმა ირაკლი ღარიბაშვილმა მთავრობის სხდომაზე სააფთიაქო ბიზნესზე ისაუბრა და გამოყო კონკრეტულად ერთი სააფთიაქო ქსელი, სწორედ ის ქსელი, რომლის მფლობელი ხელისუფლების მიმართ ოპოზიციურადაა განწყობილი და ხელისუფლებას აკრიტიკებს და თქვა:

“ერთი საგანგაშო ინფორმაცია მოვისმინე, რამდენიმე დღის წინ და მე მინდა პირდაპირ დავასახელო ეს კომპანია პსპ თითქოს პსპ-ს აფთიაქებში მომხმარებლის შეცდომაში შეყვანას აქვს ადგილი, მაგალითად, როდესაც შედის მომხმარებელი კონკრეტული წამლის ყიდვას ითხოვს, ეს ვიცი, რომ დავალებაა, ინფორმაცია არსებობს ამას რა თქმა უნდა გადამოწმება სჭირდება, გამყიდველი ეუბნება, რომ რომელი გნებავთ ხარისხიანი – ძვირიანი, თუ უხარისხო – თურქული, აი ამას რა ჰქვია თუ არა მომხმარებლის შეცდომაში შეყვანა, ეს არის მტრობა პირდაპირ, როგორ შეიძლება ადამიანმა ასეთი უმსგავსობა ჩაიდინოს და ჩვენი მომხმარებელი, პენსიონერი და სხვა ძალიან ბევრი გაჭირვებული ყიდულობს წამალს, ნებისმიერი, რა მნიშვნელობა აქვს ვინ შევა აფთიაქში. ამას სჭირდება რეაგირება, მე ამის თაობაზე მქონდა საუბარი ბატონ ზურაბ აზარაშვილთან, მსგავსი ფაქტის განმეორების შემთხვევაში, ძალიან მკაცრი რეაგირება მოჰყვება თითოეულ ასეთ შემთხვევას, ეს არის დაუშვებელი, მიუღებელი კატეგორიულად”