პოლიტიკოსი, ნინო ბურჯანაძე, “ტვ პირველთან” მიხეილ სააკაშვილის შეწყალების საქმეზე საუბრისას, ამბობს:
როცა დადგა მიხეილ სააკაშვილის პოლიტიკური დევნის და ჯანმრთელობის საკითხი, ვთქვი, რომ ჩემთვის მიუღებელია პოლიტიკური დევნა და მეორე – ჯანმრთელობის მდგომარეობა. მე არ ვიცი, ქართულ ოცნებას უნდა რომ სააკაშვილი ციხეში მოკლას? და რა გონია ქართულ ოცნებას, თუ სააკაშვილი, ღმერთმა არ ქნას, მაგრამ სიკვდილამდე მიიყვანა, ეს დღეს თუ არა ხვალ, ხვალ თუ არა ზეგ, ადვილად შერჩება? ესეთი რაღაცეები შეუძლებელია ხელისუფლებას შერჩეს და ეს იქნება ძალიან ცუდი საქართველოს სახელმწიფოებრიობისადმი.
სააკაშვილი რომ ჩამოვიდა, ერთ-ერთ პირველ სასამართლო პროცესზე თქვა, მზად იყო წარმდგარიყო სასამართლოს წინაშე, მაგრამ ის ითხოვდა დამოუკიდებელ და სამართლიან მართლმსაჯულებას, ამიტომ როცა გველაპარაკებიან – კანონით უნდა მოიხადოს სასჯელი, დაგვიმტკიცონ რომ ეს კანონი კანონია, რომ ეს კანონი ვინმეს სურვილი კი არაა, იმიტომ რომ სააკაშვილი აღარ დაჭირდათ ახლა და სააკაშვილმა ხელი შეუშალათ, პირველ წელში კოჰაბიტაციაში რომ იყვნენ, არ იცოდნენ, თუ მის მიმართ პრეტენზიები ჰქონდათ? მშვენივრად იყვნენ კოჰაბიტაციაში.
სამწუხაროდ, წამოეგო საზოგადოება იმ ანკესზე, აბა, მიშა გინდათ? მშვენივრად გაათამაშა ეს ქართულმა ოცნებამ და ბიძინა ივანიშვილმა.
დღეს როდესაც ვითარება შეიცვალა, სწორედ პოლიტიკური გადაწყვეტილებით იქნა სააკაშვილის მიმართ აღძრული საქმე პიჯაკებზე, ყვავილებზე და ა.შ. როცა ამას ხედავ, პრეტენზია გიჩნდება. როცა მეუბნები რომ სამართლიანმა სასამართლომ უნდა გაასამართლოს და სამართალმა პური ჭამოს, დამიმტკიცე, რომ ეს სამართალია და არა ვიღაცის პოლიტიკური აკვიატება. მაგრამ ამას ქართული ოცნება ვერ დაგვიმტკიცებს, ჩვენ ვიცით, რომ პოლიტიკური კონიუქტურა დგას სააკაშვილის საქმის უკან, პოლიტიკური კონიუქტურა დგას ნიკა გვარამიას საქმის უკან 100 პროცენტით.
კომენტარები