“17 თვითმკვლელი ჩამოვარდებოდა თბილისში, ზუგდიდსა და თელავში…” – ტაბლიაშვილი

გაეროში საქართველოს მისიის ხელმძღვანელი, ბ-ნი ბაქრაძე რომ ადგა და დარბაზიდან გავიდა ზუსტად მაშინ, როცა ირანთან დაკავშირებით რეზოლუციას ეყრებოდა კენჭი, ეს არის აბსოლუტურად

ს წ ო რ ი

გადაწყვეტილება, რადგან მისიის ხელმძღვანელს საგარეოდან აცნობეს ის, რაც თავად საგარეოს უთხრა პრემიერმა, რომელიც დაეყრდნო ამ ქვეყნის პროფესიონალურ უსაფრთხოების სამსახურებს, რომლებმაც, თავის მხრივ გაიგეს, რომ, როგორც კი საქართველო შეუერთდებოდა ამ რეზოლუციას, ირანიდან აფრინდებოდა 17 თვითმკვლელი დრონი და ჩამოვარდებოდა თბილისში, ზუგდიდსა და თელავში… შესაბამისად, მისიამ, საგარეომ და მთავრობამ მიიღეს მართებული გადაწყვეტილება! დაიცვეს ქვეყანა საჰაერო-სარაკეტო თავდასხმისაგან!

საქმე ისაა, რომ მისიას მართლა საგარეომ მოსთხოვა დარბაზიდან გასვლა. საგარეოს – მთავრობამ! მთავრობას – უშიშროებამ! რომელსაც არც ჰქონია და არც შეიძლება ჰქონოდა ინფორმაცია ირანის ექსპანსიის თაობაზე! თავის მხრივ იმიტომ, რომ ირანი ამას არც აპირებდა! და მეორე – იმიტომ, რომ ჩვენი სპეცსამსახურები ირანში კი არა, აქაც ვერ მუშაობენ სათანადოდ თუ ამ მიმართულებით! რომც მოენდომებინათ, ცხვირსაც ვერ შეჰყოფდნენ თეირანში.

ეს ყველაფერი მითებია! წარმოდგენებია! ზმანებებია!

რომ, აი….. ირანი თავს დაგვესხმება! რომ აიი, დაგვბომბავს ვინმე!