“რეზოლუციაში შავით თეთრზე წერია, რომ ივანიშვილი უნდა დაექვემდებაროს დასავლურ სანქციებს” – ნიკა მელია

,,ევროპის სახალხო პარტიის” მიერ მიღებულ რეზოლუციას ,,ნაციონალური მოძრაობის” თავმჯდომარე, ნიკა მელია, განმარტავს, რომელიც EPP -ს ყრილობაზე იმყოფებოდა.

“ეს რეზოლუცია ამბობს, რომ არსებული პოლიტპატიმრების პირობებში, დასანანია, მაგრამ ეს ხაზსაგასასმელი ფაქტია, გაჭირდება ქვეყნის ევროინტეგრაცია, ქვეყნის სრულფასოვანი წევრობა ევროპულ ოჯახში. 

რეზოლუციაში შავით თეთრზე წერია, რომ არაფორმალური მმართველი, ოლიგარქ ბიძინა ივანიშვილის სახით უნდა დაექვემდებაროს დასავლურ სანქციებს. 

როცა ევროპის კონტინენტზე რეჟიმი არის უკონტროლო და არ ექვემდებარება დემოკრატიულ წესწყობილებას, ამ რეჟიმის სულისჩამდგმელი კი არის რუსი ოლიგარქი ივანიშვილი, დიახაც, აქედან გამომდინარეობს მთელი რიგი კასკადი რეზოლუციებისა, რომელიც გამოიცემა ევროკავშირის მხრიდან ერთი მეორეს მიყოლებით ბოლო პერიოდის განმავლობაში.”

შეგახსენებთ, ევროპის სახალხო პარტია მოუწოდებს საქართველოს მთავრობას, შეწყვიტოს პოლიტიკური დევნა, უზრუნველყოს ექს-პრეზიდენტ სააკაშვილის დაუყოვნებლივ გათავისუფლება და გადაყვანა სხვა ქვეყანაში მკურნალობისთვის და გაათავისუფლოს ტელეკომპანია „მთავარის“ დირექტორი ნიკა გვარამია ციხიდან.

ასევე  EPP მოუწოდებს ევროკავშირს და დემოკრატიულ პარტნიორებს დააწესონ პერსონალური სანქციები ოლიგარქ ივანიშვილის წინააღმეგ, რადგან ის ახდენს საქართველოს ევროპული კურსის საბოტაჟს და საფრთხეს უქმნის საქართველოს და რეგიონულ უსაფრთხოებას.

ცნობისთვის, ევროპის სახალხო პარტია ყველაზე დიდი პოლიტკური ჯგუფია ევროპარლამენტში, მისი წევრია ევროპარლამენტის პრეზიდენტი და ევროკომისარი ურსულა ფონ დერ ლაიენი.