“ღარიბაშვილის სიმამრი თუ აფინანსებს პარტიას, რა შუაშია ივანიშვილი” – კობახიძე

კვლევას, რომლის მიხედვითაც მმართველ პარტიას ბიძინა ივანიშვილთან დაკავშირებული პირები აფინანსებენ,  ,,ქართული ოცნების” თავმჯდომარე სისულელეს უწოდებს და ამბობს, რომ  პრემიერ ღარიბაშვილის სიმამრს, თამაზ თამაზაშვილსა და ბიძინა ივანიშვილს შორის კავშირი არ დასტურდება:

“თქვენ ეჭვი გაქვთ, რომ გაგვიჭირდა 700 ათასი ლარის მიღება ისე,  რომ ბიძინა ივანიშვილის გარემოცვა ვერ დავმალეთ? სრული სისულელეა. ამოიღეთ სია და გავყვეთ სათითაოდ. 

რა შუაშია ბიძინა ივანიშვილთან თამაზ თამაზაშვილი? პრემიერის სიმამრია. პარტიის ერთ-ერთი ლიდერია პრემიერი და მისი სიმამრი აფინანსებს, რა შუაშია ბიძინა ივანიშვილი? ,,ნაცმოძრაობასთან” დაახლოებულმა უნდა დაგვაფინანსოს, თუ ,,ქართულ ოცნებასთან”?

მხოლოდ გიგაურმა შეიძლება, ასეთი სისულელე მოიფიქროს.

 

2022 წლის 1 იანვრიდან 30 სექტემბრის ჩათვლით, “ქართულ ოცნებას” 666 000 ლარი შესწირეს – არასამთავრობო ორგანიზაცია “საერთაშორისო გამჭვირვალობა – საქართველო”-ს კვლევის თანახმად,  მეორე ადგილზეა პრორუსული „კონსერვატიული მოძრაობაა“ („ალტ-ინფო“) 393 611 ლარით.

ირკვევა, რომ 9 თვის განმავლობაში, ყველა პარტიამ ჯამში 1 944 073 ლარის ოდენობის შემოწირულება მიიღო.

ჩამონათვაში მესამე ადგილს 370,600 ლარით პარტია “ლელო საქართველოსთვის” იკავებს.

ირკვევა, რომ თამაზ თამაზაშვილმა პრემიერ ირაკლი ღარიბაშვილის სიმამრმა,  „ქართულ ოცნებას“ 10 000 ლარი შეწირა. გასულ წლებში მას 12-ჯერ აქვს მმართველი პარტიის სასარგებლო შემოწირულება გაღებული, ჯამში – 57 185 ლარი.