“ტვ პირველის” ცნობით, შს სამინისტრო კრიმინალური პოლიციის თანამშრომლის ბურუსით მოცული გარდაცვალების საქმეს იძიებს.
გუკა ილურიძე საკუთარ სახლში გარდაცვლილი გუშინ ნახეს. მისი სახლიდან ამოღებულია ტაბელური იარაღი, რომელსაც პოლიციელი სამსახურეობრივ საქმიანობაში იყენებდა, თუმცა ტრაგედიის დღეს სამართალდამცველი ისვენებდა.
მომხდარის შესახებ მხოლოდ იმას ამბობენ, რომ ტრაგედიამდე პოლიციელის მეუღლის სახლში სუფრა იყო გაშლილი და ისინი უცხო ქვეყნიდან პოლიციელის ქვისლის დაბრუნებას აღნიშნავდნენ. შემდეგ რა მოხდა უცნობია.
მედიის ცნობით, სამი გასროლის ხმა გაიგეს მეზობლებმა.
“ტყვია ჰქონდა დაჭედებული შუბლშიო, ეს გავიგე…”– ამბობს მედიასთან ადგილობრივი მკვიდრი.
პოლიციამ საქმე აღძრა თვითმკვლელობის მუხლით, გადაკვალიფიცირდება, თუ არა საქმე მკვლელობად, წესით, ეს ექსპერტიზის პასუხის და მოწმეთა ჩვენებების შეჯერების შემდეგ უნდა გაირკვეს.
კომენტარები