4 ნოემბერს, „ჯორჯიან უოთერ ენდ ფაუერი“ ნაძალადევის რაიონში, ზღვის უბნის წყალმომარაგების რეზერვუარზე აუცილებელ ტექნიკურ სამუშაოებს ჩაატარებს. კომპანიის ტექნიკური ჯგუფები გადაუდებელ სამუშაოებს 24 საათიან ინტენსიურ რეჟიმში შეასრულებენ.
„ჯორჯიან უოთერ ენდ ფაუერის“ ინფორმაციით, აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც 4 ნოემბერს დილის 11:00 საათიდან 5 ნოემბრის დილის 11:00 საათამდე წყალმომარაგება შეეზღუდება:
„ნაძალადევის რაიონში – გეგუთის, სვირის, ზეკარის, ასურეთის, თოდრიას, ჟღენტის, ლოტკინის მთის, ზაქარაიას, ხერთვისის, გორდის, ლაითურის, ნაქალაქევის, ხუდადოვის, ბეჟანიშვილის, თმოგვის, დაისის, ღრმაღელეს, დიდი ჯიხაიშის, კოკინაკის, ლომთათიძის, ბენდელიანის, ზედაზენის, გარეჯის, ახალ მოწამეთა, ხეხილსანერგე მეურნეობას,, იოსელიანის, სუვოროვის, თიანეთის, ტიბაანის, მუხრანის, შენგელაიას, ნაგომარის, რატევანის, ბოგვის და მიმდებარე ქუჩებს, მახათის აღმართს.
„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის. სამუშაოების მიმდინარეობისას, წყალმომარაგების სრულად აღდგენამდე კომპანია მოსახლეობას წყალს ცისტერნებით მიაწვდის.
წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის.
დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, ფეისბუქისა და ვებგვერდის მეშვეობით http://www.gwp.ge“,-აღნიშნულია ინფორმაციაში.
კომენტარები