“მშრალი საქმეა”, პოლიტიკურ პატიმრად არ ვაღიარებ” – ევროსაბჭოს რეზოლუციის რა ნაწილს არ დაუჭირა მხარი იოსელიანმა

დეპუტატი, ლევან იოსელიანი, “ტვ პირველთან” ევროსაბჭოში მიღებულ რეზოლუციაზე საუბრისას, ამბობს:

“მნიშვნელოვანი რეზოლუცია იქნა მიღებული, როგორც ევროსაბჭოში, ისე გაეროში. მნიშვნელოვანი რეზოლუციებია თავისი შინაარსით, აშიშვლებს რუსეთის პოლიტიკას უკრაინის მიმართ. უკმაყოფილება გამოიწვია იმან, რომ სულ ბოლო მომენტში რეზოლუციაში შემოვიდა დამატება, რომელიც ჩემი აზრით არანაირ კავშირში არ იყო და იქ საუბარი იყო პოლიტპატიმრებზე და მითითებულია მიხეილ სააკაშვილი.”

ლევან იოსელია განმარტავს, რომ რეგლამენტით შესაძლებლობა მიეცა დაეჭირა რეზოლუციისთვის მხარი და არ დაეჭირა მხარი დამატებისთვის, მან ეს შესაძლებლობა გამოიყენა, ქართულმა ოცნებამ კი – არა და საერთოდ აღარ მიიღეს “ოცნების” დეპუტატებმა კენჭისყრაში მონაწილეობა.

ლევან იოსელიანი იმაზეც საუბრობს, რატომ არ დაუჭირა რეზოლუციის დამატებას მხარი და ამბობს:

“აქ მნიშვნელოვანია, რომ ამ ჩანაწერით მისი პოლიტიკურ პატიმრად აღიარებაა, რასაც არ ვაღიარებ. სანამ პოლიტიკოსი ვიქნებოდი, იურისტი ვიყავი. თუნდაც ის ბოლო საქმე, რისთვისაც ბრალი აქვს მისჯილი, უკანონოდ გადმოკვეთა საზღვარი, არანაირი პოლიტიკურ ნიშანს არ შეიცავს იმისა, რომ გამოცხადდეს პოლიტიკური დევნის საქმედ. გამიჭირდება გავაკეთო ის, რაც სამართლებრივ ცოდნას ეწინააღმდეგება. ამიტომ არ დავუჭირე მხარე, თორემ, რომ ყოფილიყო ჩანაწერი, რომ ის პუტინის მოწინააღმდეგეა, მხარს დავუჭერდი. პოლიტიკური პატიმარი – ამ ფორმულირების გამო არ დავუჭირე მხარი, თორემ მის საქმიანობას ან დავეთანხმებოდი, ან არ დავეთანხმებოდი, გააჩნია, როგორი ფორმულირება იქნებოდა. მშრალი საქმეა, ადამიანი უკანონოდ შემოვიდა საქართველოში და ამის გამო მას მიესჯება სასჯელი, სხვა საქმეებს რომ თავი დავანებოთ.”