პოლიტიკოსი, თინა ხიდაშელი, “ტვ პირველთან”, ოცნებიდან ე.წ. გამოყოფილებზე და ხალხის ძალაზე, ივანიშვილზე და ქვეყანაში მიმდინარე პოლიტიკურ მოვლენებზე საუბრისას, ამბობს:
ზუსტად მაგ უცნაურობაში დევს გასაღები იმისა, რატომ გვეუბნებიან, რომ აი, ჩვენ ხომ აღარ ვართ… ის, რომ ერთი პარტია აღარ არის საპარლამენტო უმრავლესობა, ეს არ არის პირველი შემთხვევა. გვქონდა ასეთი შემთხვევა 2004 წელს და 2012–2016 წლების პარლამენტში. დღეს აქვთ მცდელობა, დაახლოებით რაღაცა ესეთი წარმოგვიჩინონ. ნახეთ, მთავარი სხვაობა რა არის, თუ ჩვენ სხვადასხვა პარტიები ვართ და ჩემი ხმების გარეშე მნიშვნელოვანი გადაწყვეტილებები ვეღარ მიიღება, პოლიტიკის ანა–ბანაა, ჩვენ ვხვდებით თანაბარი პარტნიორები, მიუხედავად რაოდენობისა, რას ნიშნავს თანაბარი პარტნიორები? – მთავრობაში წარმომადგენლები გვყავს. გახსენდებათ ასეთი რამე? სულ არ გამოვრიცხავ რომელიმე ბნელი ამ ჯგუფიდან მთავრობაში დანიშნონ, მაგრამ ამ წუთის მდგომარეობით, მათ შორის კოალიციური შეთანხმებები არ შემდგარა, იმიტომ, რომ ეს ხალხი სინამდვილეში არსად წასულა.
მე გეტყვით, ზუსტად, ამ წუთას რას ითვლის ბატონი ივანიშვილი. ბატონი ივანიშვილის გათვლა არის ძალიან მარტივი და ეფუძნება დღევანდელ მდგომარეობას, ხვალ და ზეგ რაც იქნება იმის მიხედვით შეცვლის ამ კონფიგურაციას და მარტივად მოიშორებს ამ ადამიანებს, თუ ამის საჭიროება დადგა. ორ მთავარ ამოცანას ემსახურება – პირველი, ელექტორატულად, დღევანდელი მოცემულობით, ხაზს ვუსვამ ამას, საქართველოში არის 5 პროცენტიანი ბარიერი და დღეს რომ არჩევნები ტარდებოდეს საქართველოში, პარლამენტში შევა მხოლოდ 2 პოლიტიკური ძალა, ყოფილი და მოქმედი ხელისუფლებები და მათ შორის რაიმე საგნობრივი გადაწყვეტილებაუნარიანი თანამშრომლობა წარმოუდგენელია. ამიტომ ბატონ ივანიშვილს სჭირდება პარლამენტში ოპოზიცია, რომელთანაც ითანამშრომლოებს და შექმნის დემოკრატიული ოპოზიციური ძალის ილუზიას.
დღევანდელი მოცემულობით, ეს ძალაა, რომელმაც უნდა ითამაშოს სუპერ მარჯვენა მხარეს, ძალიან ახლოს ფაშიზმის, ნაციზმის ხაზზე უნდა იაროს, უნდა ლანძღოს და აგინოს დასავლეთს, უნდა ილაპარაკოს ღირებულებებზე რომელიც საბჭოურია და არაფერი საერთო სხვა არაფერთან აქვს და მკვეთრად გამოხატულ პრორურსულ ორბიტაზე, საბჭოთა ნოსტალგიის მქონე ამომრჩეველზე იმოქმედოს. იმედი აქვს ეს მხარე საკმარისად შემძლეა მიიღოს იმდენი ხმა, რომ ცოტა წახმარებით ბარიერს გადალახავს. რეალისტურია ეს ამოცანა. თუ დავაჯამებთ მანამდე ასეტი ტიპის პარტიების ხმებს, ბარიერისთვის არასოდეს იყო საკმარისი, მაგრამ მათ არ ჰქონდათ სახელისუფლებო დახმარება, სახელისუფლებო დახმარების პირობებში, ისინი ბარიერს გადალახავდნენ. დღეს ეს არის მოცემულობა, მას სჭირდება მესამე ძალა პარლამენტში, 5 პროცენტიანი ბარიერის პირობებში, რომელიც დემოკრატიის და მოთანამშრომლე პარტიის იმიჯს შეუნარჩუნებს. ხვალ, ეს რეალობა აღარ იქნება და ერთმნიშვნელოვნად შეგვიძლია ვთქვათ, რომ აღარ იქნება და დამარცხებული რუსეთის კვალობაზე სრულიად გაქრება ეს ნარატივი, არამხოლოდ საქართველოში, მთელ დედამიწაზე. ივანიშვილი რაციონალური ადამიანია მისი გაგებით და მისი გაგებით რაციონალიზმში დღევანდელით ითვლის, დღეს რა მოცემულობაცა გვაქვს, ამ მოცემულობით ითვლის. ხვალ მოცემულობა თუ შეიცვლება, სხვა ვითარებას შექმნის ჰგონია და იმით იქნება გამარჯვებული.
კომენტარები