“სანამ პროევროპელები “ოცნებას” არ გავაგდებთ, მანამდე წინ ვერ წავალთ” – გიორგი ვაშაძე

პოლიტიკოსი, გიორგი ვაშაძე, “ტვ პირველთან” ამბობს:

ბედმა კარზე მოგვიკაკუნა, გვეუბნება, გაჭირვებულები ხართ, მზად ვარ გიშველოო, ხელია გამოწვდილი ევროკავშირიდან. ოცნებას უნდა ეს კარი ჩარაზოს და თქვას, ეს ხალხი კი არა, ჩემი მონები არიან და რასაც ჩავძახებ, იმას ამომძახებსო.

კითხვა ნომერი ერთი – რატომ არ გვაქვს ევროკავშირის კანდიდარტის სტატუსი – მოლდოვამ მიიღო, ჩვენ არა, – ვისი ბრალია? – ქართული ოცნების.

ერთად ვიმუშაოთო, ამაზე რომ ვლაპარაკობთ, ეს მათი თამაშის აყოლაა. კანონს რომ არეგისტრირებ, ეს მომეხმარება, თუ არა კანდიდატის სტატუსის მიღებაში? თუ ბადრის აცხადებ ოლიგარქად, პირდაპირ გეუბნებით, ვერ მივიღებთ კანდიდატის სტატუსს. ოცნებას ჰგონია, ყველა ვართ იდიოტები და დაგვცინის.

ბოლო ხომ ვიცით, რა მოხდება? ჩვენ კანდიდატის სტატუსს უკვე მეორედ ვეღარ მივირებთ. ჩამოგითვლით:

მოსმენების შესახებ კანონი, საერთო სასამართლოების შესახებ კანონი, საარჩევნო კოდექსი, დეოლიგარქიზაციის კანონი – ეს 4 კონკრეტული კანონი უკვე საწინააღმდეგოა კანდიდატის სტატუსის მიღების.

სანამ პროევროპელები ქართულ ოცნებას არ გავაგდებთ, რომლის მიზანია რუსეთთან დაგვტოვოს მარტო, მანამდე წინ ვერ წავალთ. 85 პროცენტია პროევროპელი, ამ 85 პროცენტს რომ ჰქონდეს ქართული ოცნებისთვის დარქმეული ის, ვინც არის, ოცნებას ექნებოდა 10–15 პროცენტი მხარდაჭერა.