ორნიშნა ეკონომიკურმა ზრდამ და ბიუჯეტში თანხების მობილიზებამ მოგვცა იმის შესაძლებლობა, რომ მნიშვნელოვნად გაგვეზარდა ხარჯვითი ნაწილი – აზარაშვილი

ძალიან მნიშვნელოვანია ის ორნიშნა ეკონომიკური ზრდა, რომელიც ქვეყანას უკვე მეორე წელია აქვს და ამ ეკონომიკურმა ზრდამ და ბიუჯეტში თანხების მობილიზებამ მოგვცა იმის შესაძლებლობა, რომ მნიშვნელოვნად გაგვეზარდა ხარჯვითი ნაწილი, – ამის შესახებ ზურაბ აზარაშვილმა „ქრონიკაში“ განაცხადა. ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა განმარტა რა დარგებს შეეხება ბიუჯეტის ზრდა.

„ჩვენი სამინისტროს შემთხვევაში ეს შეეხო როგორც სოციალურ ასევე ჯანდაცვისა და დევნილების მიმართულებებს. პრინციპში, ეს არის ყველა მიმართულება, რასაც ჩვენი სამინისტრო მოიცავს. 700 მილიონ ლარზე მეტი ზრდა არის სოციალური მიმართულებით, რაც სოციალურ დახმარებას და საპენსიო გასაცემლებს შეეხო. შემდეგია ჯანდაცვის მიმართულება, სადაც მნიშვნელოვანი ზრდაა საყოველთაო ჯანდაცვის და სხვადასხვა პროგრამის მიმართულებით. ასევე მნიშვნელოვანი ზრდაა დევნილების მიმართულებით, სადაც უპრეცედენტო ზრდა ბიუჯეტი და 300 მილიონი ლარის ფარგლებშია დევნილი ოჯახების ბინებით უზრუნველყოფის ბიუჯეტი“, – განმარტა აზარაშვილმა.

იმედინიუსი.