„ნაციონალური მოძრაობის“ წევრი, რომან გოცირიძე სოციალურ ქსელში წერს:
„რუსეთმა ნაწილობრივი მობილიზაცია გამოაცხადა. რამდენიმე დღეში უკრაინის ოკუპირებულ ტერიტორიებზე უკანონო რეფერენდუმის გზით მოახდენს 113 ათასი კვადრატული კილომეტრი ტერიტორიის ანექსიას, რაც დაახლოებით ორი საქართველოს სიდიდის ტოლია. ამას დამატებული ყირიმი, 27 ათასი კვადრატული კილომეტრი და რუსეთის მიერ მიტაცებული აღმოჩნდება უკრაინის ტერიტორიის დაახლოებით 23 პროცენტი. ამ ფარს-რეფერენდუმს მოჰყვება დასავლეთის შემდგომი კონსოლიდაცია, ახალი სანქციები, რაც საბოლოოდ რუსეთის მარცხით დამთავრდება.
პუტინმა თავის დღევანდელ მიმართვაში ომის მიზნად დონბასის “განთავისუფლება” გამოაცხადა, არა და თავდაპირველი მიზანი მთელი უკრაინის ოკუპაცია იყო.
ასეთი ხვედრი გვარგუნა ბედმა ჩვენს თაობას – ჯერ ბოროტების იმპერიის მსხვრევას შევესწარით, ახლა მისი ნარჩენების დეგრადირების მომსწრენი გავხდებით“.
კომენტარები