„როგორ ფიქრობთ, ომში უკრაინის მარცხის სურვილი, ევროკავშირისა და ამერიკის ელჩების ძაგება, ეს რაზე მეტყველებს?!“ – კახა მიქაია

ლევან ჯავახიშვილი

„ალიას“ ესაუბრება პოლიტიკოსი, კახა მიქაია.

– 2008 წლის რუსეთ-საქართველოს ომიდან 14 წელი გავიდა. ამ  ომის შეფასებისას, ხელისუფლების წარმომადგენლები, მათი მხარდამჭერები წინა ხელისუფლებას აკრიტიკებდნენ, რომ 5 დღეზე მეტი ვერ ეომეს რუსეთს და ჩააბარეს ჩვენი ტერიტორიებიო. ამავე დროს, უკრაინელებს რუსებისთვის წინააღმდეგობის გაწევაში ადანაშაულებენ, რატომ იბრძოლეს, ამდენი ხალხი დაიხოცაო. ესენი ვერ არიან ჯანზე, შეხედულებების ლოგიკური წყობა, ერთნაირი მესიჯებიც კი არ გააჩნიათ, რომ  ხალხი რომ მოატყუონ, თუ მეჩვენება?

– ესეც იმის დასტურია, რომ  ხელისუფლება, “ქართული ოცნება“, მათი მომხრეები ყველანაირად ცდილობენ, გაამართლონ რუსეთის აგრესია უკრაინაში. ეს კიდევ ერთხელ მეტყველებს, რომ დღეს საქართველოს ჰყავს რუსეთის სატელიტი ხელისუფლება. კიდევ ერთხელ ვამბობ – ანტიდასავლური რიტორიკა, ანტიუკრაინული რიტორიკა, ომში უკრაინის მარცხის სურვილი, ევროკავშირისა და ამერიკის ელჩების ძაგება, ეს რაზე მეტყველებს? მეტყველებს ერთ რამეზე – საქართველოში არის არა ქართული, არამედ რუსული ადმინისტრაცია, საქართველოს დღეს რუსული ადმინისტრაცია მართავს. ამიტომ არის საქმე ძალიან სავალალო და სახიფათო.

– ბიძინა ივანიშვილსა და „ქართულ ოცნებას“ რომ ძალიან გაუჭირდეთ, სახელმწიფო გადატრიალების საფრთხის წინაშე რომ დადგნენ, დარწმუნებული ვარ, რუსეთს მიმართავს სამხედრო დახმარებისთვის, შემოვა რუსის ჯარი და ქართველების დახოცვის ხარჯზე შუნარჩუნებს ამათ ხელისუფლებას. რაც კასიმ ტოკაევმა გააკეთა ყაზახეთში, იმავეს გააკეთებენ. ეს განცდა და დამოკიდებულება მაქვს ამ ხელისუფლების მიმართ. თქვენ?

– მე ამას ძალიან მოკლედ ვუპასუხებ. თუ ბიძინა ივანიშვილმა და „ქართულმა ოცნებამ“ ხელისუფლების დაკარგვის საშიშროება იგრძნეს და მათ არ ეყოთ ძალა, რომ  წინააღმდეგობა გაუწიონ ქართულ საზოგადოებას და ქართულ პოლიტიკურ სპექტრს, ისინი აუცილებლად გამოიყენებენ რუსეთს ძალაუფლების შესანარჩუნებლად. ასე, მოკლედ და კონკრეტულად გეტყვით.

– ბატონო კახა, ტელეკომპანია „იმედზე“ გავიდა სიუჟეტი სოსო გოგაშვილზე, რომელშიც თქვენი და გოგაშვილის სატელეფონო საუბრის ორი უმნიშვნელო დეტალი გაუშვეს. ასევე, კადრებშიც გამოჩნდით. რა უნდათ თქვენთან და რატომ ცდილობენ, რომ გოგაშვილს დაგაკავშირონ? მე მხოლოდ ის ვიცი  და ისიც თქვენთან პრივატული საუბრიდან, რომ  თქვენთან მოვიდა  პიროვნება, რომელმაც აღიარა გურამ შარაძის მკვლელობა. ეს ვიდეო- აღიარება ჩაიწერეთ. შემდეგ ის მიაწოდეთ გოგაშვილს, როდესაც ის  სუს-ში მუშაობდა და სთხოვეთ ამ საქმის გამოძიება.

– გურამ შარაძის საქმის  გამოძიებას სჭირდება პოლიტიკური ნება. იგი ფაქტობრივად, გამოძიებულია. ასევე,  ის ოთხი საქმეც, რომლებიც პროკურატურის თაროზეა შემოდებული. თუმცა, დარწმუნებული ვარ, დღევანდელი ხელისუფლება არ გამოიძიებს ამ საქმეებს. მიზეზი მარტივია, საქმის გამოძიების მსვლელობაში, ადვილი მოსალოდნელია, ბიძინა ივანიშვილს მთელი სასამართლო თუ საგამოძიებო ვერტიკალი ჩამოეშალოს. სადაც, წინა ხელისუფლების კადრები დომინირებენ…