12 აგვისტოს, „ჯორჯიან უოთერ ენდ ფაუერი“ ქეთევან დედოფლის გამზირის სრული რეაბილიტაციის ფარგლებში, მეტეხის ქუჩა N1-ის მიმდებარედ, წყალსადენის ახალ ქსელზე გადაერთებით სამუშაოებს ჩაატარებს.
კომპანიის ცნობით, წყალმომარაგების სტაბილურობისთვის ასევე დამონტაჟდება ჩამკეტ-მარეგულირებელი ურდული. აუცილებელი სამუშაოები ინტენსიურ რეჟიმში ჩატარდება და მთელი ღამის განმავლობაში გაგრძელდება.
„აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც 12 აგვისტოს 15:00 საათიდან 13 აგვისტოს, დილის 09:00 საათამდე წყალმომარაგება შეეზღუდება:
ისნის რაიონში – ქეთევან წამებულის გამზირის ნაწილს, კაჩინსკის ქუჩა N1-5, ბოჭორმის, ლუსინიანის, ბოდბის, იალბუზის, პატარძეულის, უჯარმის, დოლაბაურის, მეტეხის, თელავის, ფერიცვალების, ჯორბენაძის, სოლომონ ბრძენის, 300 არაგველის, ღვინის აღმართს, დუტუ მეგრელის და მიმდებარე ქუჩებს.
„ჯორჯიან უოთერ ენდ ფაუერი“ ბოდიშს უხდის მომხმარებლებს შექმნილი დისკომფორტისთვის. სამუშაოების მიმდინარეობისას, წყალმომარაგების სრულად აღდგენამდე კომპანია მოსახლეობას წყალს ცისტერნებით მიაწვდის.
წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, ფეისბუქისა და ვებგვერდის მეშვეობით – www.gwp.ge“,- აღნიშნულია ინფორმაციაში.
კომენტარები