ჩრდილოეთ კორეის ლიდერმა, კიმ ჩენ ინმა განაცხადა, რომ ქვეყანამ კორონავირუსი დაამარცხა. ამის შესახებ ჩრდილოკორეულ მედიაზე დაყრდნობით Reuters-ი იტყობინება.
29 ივლისის შემდეგ ქვეყანაში ინფიცირების საეჭვო შემთხვევა არ დაფიქსირებულა, ვინაიდან, საერთაშორისო ორგანიზაციების ინფორმაციით, ქვეყანაში ტესტირების შესაძლებლობები შეზღუდულია.
„სიკვდილიანობის ოფიციალური სტატისტიკა – 74 ადამიანი – უპრეცედენტო სასწაულია, სხვა ქვეყნებთან შედარებით“, – ამბობს ერთ-ერთი ჩრდილოკორეელი მაღალჩინოსანი.
შეკრებილებს ასევე მიმართა კიმ ჩენ ინის დამ, კიმ იო იონმა, რომელმაც განაცხადა, რომ ქვეყნის მეთაურს ასევე ჰქონდა სიმპტომები.
„მიუხედავად იმისა, რომ კიმ ჩენ ინს მაღალი ტემპერატურა ჰქონდა, მას არ შეეძლო ერთი წუთითაც არ შეეძლო, არ ეფიქრა ხალხზე, რომელზეც მას უნდა ეზრუნა ამ ანტიეპიდემიურო ომის პირობებში“, – განაცხადა ჩრდილოეთ კორეის ლიდერის დამ.
კომენტარები