საერთაშორისო არასამთავრობო ორგანიზაციამ Amnesty International-მა ბოდიში მოიხადა მოხსენებისთვის, რომელიც უკრაინის არმიის კრიტიკას შეიცავს. ამის შესახებ „ეხო კავკაზა“ იუწყება.
ორგანიზაციის მიერ გავრცელებულ განცხადებაში აღნიშნულია, რომ ის წუხს იმ აღშფოთების გამო, რაც მოხსენებამ უკრაინაში გამოიწვია. ამასთანავე, ორგანიზაციაში აცხადებენ, რომ მოხსენებაში გამოქვეყნებულ დასკვნებზე ის უარს არ იტყვის.
კერძოდ Amnesty International-ის დასკვნაში იყო აღნიშნული, რომ უკრაინა ომის წარმოების წესებს არღვევს, როდესაც სამოქალაქო ობიექტებზე, როგორებიცაა სკოლები და საავადმყოფოები, სამხედროებს განათავსებს.
მოხსენებას უკრაინის ხელისუფლების და საზოგადოების მკვეთრად ნეგატიური რეაქცია მოჰყვა. უკრაინის პრეზიდენტმა ვოლოდიმირ ზელენსკიმ მოხსენებას „შერჩევითი“ და „ამორალური“ უწოდა. Amnesty International-ის უკრაინის ოფისის ხელმძღვანელმა ოქსანა პოკალჩუკმა თანამდებობა დატოვა.
კომენტარები