ლევან ჯავახიშვილი
,,ალიას” ესაუბრება პოლიტოლოგი სოსო ცინცაძე:
-ბატონი სოსო, როგორც ირკვევა, სუს-ი ამერიკის ელჩს, კელი დეგნანს უთვალთვალებდა, მისი შეხვედრების შესახებ აგროვებდა ინფორმაციას. რა გაგრძელება შეიძლება მოჰყვეს ამ სკანდალს?
-ჯერ ერთს ვიტყვი. ამერიკის სტრატეგიულ პარტნიორებად ვრჩებით, ამერიკა საქართველოს დახმარების თაობაზე განცხადებებს აკეთებს, მაგრამ ეს რაღაც ყასიდად ნაქვამი განცხადებებია, ასე ჩანს. ამერიკამ გული აიცრუა საქართელოზე, ასე ვფიქრობ. თუმცა, ეს ხელისუფლებაზე გულაცრუებაა და არა ხალხზე. კელი დეგნანის თვალთვალი ამ ხელისუფლებას მოუტანს პრობლემებს, ქვეყანას არ დააზარალებს. ამერიკას დიღომში ის უზარმაზარი საელჩო რომ აქვს, ხომ არ იცი, რისთვის სჭირდება? მე გეტყვი. იქიდან უსმენენ მთელ რეგიონს, სამხრეთ კავკასიას და იმ საელჩოში რამდენი ცსს-ს აგენტია, ეგ არავინ იცის. ამერიკის ელჩს რომ სუს-ი უთვლთვალებდა, ეს კარგად იცოდა საელჩომ. ამაში დარწმუნებული ვარ, მაგრამ ტელევიზიით გახმაურდა ეს ამბავი. ამერიკა ამას აღიქვამს ჩვენი მხრიდან მტრულ ნაბიჯად, მაგრამ როგორ შეიმჩნევს, ეს არ ვიცი. შესაძლოა, ღია რეაგირება არც ჰქონდეთ ამაზე, მაგრამ არც გადაყლაპავენ. მე ვიტყოდი, ხელისუფლებას უსიამოვნო სიურპრიზი მოელის ამერიკის მხრიდან და როდის და რა ფორმით მოხდება, ეს გამოჩნდება. ისე, ამხელა სახელწიფოს რომ იპირისპირებ, ბრიყვი ხარ, მეტი არაფერი.
კომენტარები