გუდაურში გადარჩენილი პარაპლანისტის მდგომარეობა მძიმეა, მისი გამოკითხვა ჯერ ვერ ხერხდება, – ამის შესახებ ადვოკატმა დავით ციცქილაძემ განაცხადა.
ადვოკატის თქმით, მისი გამოკითხვა, ჯანმრთელობის მდგომარეობიდან გამომდინარე ვერ ხერხდება.
„დაშავებული პარაპლანისტის, ნუგზარ რაზმაძის მდგომარეობა კვლავ რჩება მძიმედ, მისი ჯანმრთელობის მდგომარეობის გათვალისწინებით, ამ ეტაპზე ვერ ხერხდება საგამოძიებო მოქმედებების ჩატარება, ისეთი როგორიც არის გამოკითხვა. მას ნამდვილად გააჩნია ის ინფორმაციები, რაც მნიშვნელოვანი არის გამოძიებისთვის და ფაქტობრივად ნუგზარ რაზმაძის მიერ მიწოდებული ინფორმაცია განსაზღვრავს გამოძიების მიმართულებას“, – აცხადებს ადვოკატი დავით ციცქილაძე.
ცნობისთვის, 29 ივლისს, გუდაურში პარაპლანი კლდეს დაეჯახა, რის გამოც ადგილზე სამაშველო სამუშაოების ჩატარება გახდა საჭირო. სამაშველო სამუშაოების მიმდინარეობისას ვერტმფრენი, რომელიც შემთხვევის ადგილისკენ მიემართებოდა, ჩამოვარდა და აფეთქდა. დაიღუპა ვერტმფრენში მყოფი რვავე ადამიანი.
კომენტარები