საქართველოს პარაგლაიდინგის ფედერაცია შს მინისტრის, ვახტანგ გომელასურის განცხადებას ეხმაინება, რომლსი მიხედვითაც საქართველოში პარაპლანით ფრენა აიკრძალა.
პილოტი მარიამ ბაბუნაშვილი აცხადებს, რომ სახელმწიფომ კი არ უნდა აკრძალოს პარაპლანით ფრენა, არამედ, გამოწვევებს მომზადებული უნდა შეხვდეს და გააჩნდეს შესაბამისი ტექნიკა.
ჩვენ სახელმწიფოსთან ვცდილობთ, რაღაც რეგულაციები დავადგინოთ, რომ უკვე შემდგარი წესები მოივიდეს კანონმდებლობაში, თუმცა სახელმწიფოსგან რეაგირება ნოლია.
რაც შეეხება გომელაურის განცხადებას პარაგლაიდინგის შეწყვეტასთან დაკავშირებით, მინდა ვთქვა, სახელმწიფო, რომელიც იყენებს საბჭოთა კავშირის მეთოდებს და აკეთებს განცხადებას, რომ პარაპლანი უნდა აიკრძალოს, ეს ნიშნავს, რომ სახელმწიფო აღიარებს, რომ არის რაღაც გამოწვევები, რომელსაც თავად ვერ უმკლავდება.
მსგავსი შემთხვევები შესაძლოა, მოხდეს, თუმცა, სახელმწიფო უნდა იყოს მზად, მოახდინოს სწრაფი რეაგირება და არ უნდა დაჭირდეს პილოტს 7 საათის განმავლობაში ხევში ჩავარდნილი ყოფნა. ასევე, არ უნდა გამოუშვას მი-8 ტიპის სამხედრო ავიაცია და არ გაწიროს გმირი პილოტები – აცხადებს საქართველოს პარაგლაიდინგის ფედერაციის პილოტი, მარიამ ბაბუნაშვილი.
ცნობისთვის, შსს-ს განცხადებით, რამდენიმე დღის განმავლობაში პარაპლანით ფრენა აიკრძალა.
ტვ 25
კომენტარები