ლატვიის საგარეო საქმეთა მინისტრი რუსების მხრიდან ქალაქ ოლევინკაში უკრაინელი სამხედრო ტყვეების მკვლელობას გამოეხმაურა და მომხდარი დაგმო.
ედგარ რინკევიჩი ევროკავშირში რუსეთს მოქალაქეებისთვის ტურისტული ვიზების აკრძალვის წინადადებით გამოვიდა.
“ევროკავშირმა რუსეთი ტერორიზმის სპონსორ სახელმწიფოდ უნდა გამოაცხადოს. კიდევ ერთხელ მოვუწოდებ ევროკავშირს, რომ აკრძალოს რუსეთის მოქალაქეებისთვის ევროკავშირის ტურისტული ვიზა”, – წერს რინკევიჩი.
შეგახსენებთ, 29 ივლისს, დონეცკში, ოლენივკას გამოსასწორებელი კოლონიის ყოფილ შენობაზე თავდასხმა მოხდა. შედეგად ციხე, რომელშიც აზოვსტალის ქარხნიდან ტყვედ აყვანილი უკრაინელი სამხედროები იმყოფებოდნენ, განადგურდა. დაიღუპა სულ მცირე 53 უკრაინელი , დაშავდა 75-ზე მეტი. რუსეთი აცხადებს, რომ ოლენივკას ციხეზე დარტყმა უკრაინის არმიამ ამერიკის მიერ მიწოდებული სარაკეტო იარაღით თავად განახორციელა. უკრაინის არმია კი აცხადებს, რომ იმ არეალში სარაკეტო ცეცხლი არ გაუხსნია და პასუხისმგებლობას მოსკოვს აკისრებს.
კომენტარები