რუსეთის ხელისუფლებამ რუსეთში დაკავებული ორი ამერიკელის გათავისუფლების სანაცვლოდ აშშ-ისგან ვიქტორ ბუტთან ერთად ზელიმხან ხანგოშვილის მკვლელის, ვადიმ კრასიკოვის გადაცემაც მოითხოვა – ამის შესახებ ინფორმაციას CNN ექსკლუზიურ ინტერვიუში აქვეყნებს.
კრასიკოვი 2019 წელს ბერლინში ყოფილი ჩეჩენი მებრძოლის, ზელიმხან „თორნიკე“ ხანგოშვილის მკვლელობისთვის დეკემბერში გაასამართლეს და სამუდამო პატიმრობა მიუსაჯეს.
თხოვნა პრობლემურად განიხილებოდა რამდენიმე მიზეზის გამო, განუცხადეს წყაროებმა CNN-ს. კრასიკოვი რჩება გერმანიაში პატიმრობაში. იმის გამო, რომ მოთხოვნა არ იყო ოფიციალურად, არამედ FSB-ს არაოფიციალური არხის მეშვეობით, აშშ-ის მთავრობამ არ განიხილა იგი, როგორც ლეგიტიმური შეთავაზება.
გერმანიის მთავრობის მაღალჩინოსანმა CNN-ს განუცხადა, რომ ამერიკული მხარე დაინტერესდა, სურს თუ არა გერმანიას, რომ ვადიმ კრასიკოვი აშშ-სა და რუსეთს შორის გაცვლის ნაწილი გახდეს. გერმანული წყაროს განცხადებით, ეს მოთხოვნა გერმანიის მთავრობის უმაღლეს დონეზე არ განიხილა. მისი თქმით, ვადიმ კრასიკოვის აშშ-სა და რუსეთს შორის პოტენციურ გარიგებაში ჩართვა სერიოზულად არ განიხილებოდა.
კომენტარები