სირენები მოსკოვში – რა ხდება რუსეთის დედაქალაქში?

“ალფა ნიუსის” ინფორმაციით, 20 ივლისს მოსკოვში, მთელი ქალაქის მასშტაბით სირენები და ხმის გამაძლიერებლები ჩაირთვება. 

სირენების გეგმიური ამოქმედების შესახებ ადგილობრივ მოსახლეობას რამდენიმე დღეა, აფრთხილებენ. მოსკოვის ადგილობრივი ხელისუფლება ირწმუნება, რომ სირენებსა და ხმის გამაძლიერებლებს ამოწმებენ იმ შემთხვევებისთვის, თუ ბუნებრივი და ტექნოგენური დაბრკოლებები წარმოიქმნება.

მოსკოვის მერიის მტკიცებით, ეს “სასწავლო განგაშია”.

მთელი ქალაქის მასშტაბით, 20 ივლისის დილის 10:40 (მსკ. დრო) საათიდან 12:00 საათამდე ჩაირთვება სირენა და გამაფრთხილებელი მოწოდება: “ყურადღება! ყურადღება!”.

მედიის ცნობით, უკრაინულ ტელეგრამ-არხებსა და მედიასაიტებზე კი ირწმუნებიან, რომ რუსეთი ამით თავის მოსახლეობას ან კრემლის მიერ ბირთვული დარტყმის საპასუხო დარტყმისთვის ამზადებს.