საქალაქო სასამართლოში ანასტასია შატალოვას მკვლელობის საქმის განხილვა სავარაუდოდ დღეს დასრულდება.
დაცვის მხარე დღეს დასკვნითი სიტყვით ისარგებლებს, რის შემდეგაც მოსამართლე განაჩენს გამოაცხადებს. ადვოკატები ამბობენ, რომ საქმეში მტკიცებულებები არ არის, რასაც არ ეთანხმება პროკურატურა.
„მიუხედავად იმისა, რომ ჩვენ სასამართლოზე გამოვიკვლიეთ ბრალდების მხარის არაერთი მტკიცებულება, მათ შორის დავკითხეთ მოწმეები, საქმეში დღემდე არ ფიგურირებს მოტივი. ჩემი დაცვის ქვეშ მყოფი, რომელსაც განზრახ მკვლელობაში ედება ბრალი, არცერთ ვიდეოში არ ფიგურირებს და არ ჩანს, ვინ ესვრის შატალოვას“, – აცხადებს ადვოკატი გიორგი ლაღიძე.
„საქმეში მტკიცებულებით უტყუარად დგინდება როგორც ბექა ლატარიას, ისე ბიძინა ხასიას და ლევან რაჯავის მიერ ჩადენილი დანაშაულებრივი ქმედება. შემთხვევის ადგილიდან ამოღებული მასრებზე აღმოჩნდა ბექა ლატარიას დნმ-ის კვალი. ანასტასია შატალოვას სისხლის აღმოჩნდა ბექა ლატარიას სახლიდან ამოღებულ ფეხსაცმელზე. შემთხვევის დროს ბექა ლატარია და ბიძინა ხასია იმყოფებოდნენ შემთხვევის ადგილთან, შესაბამისად, მათ განახორციელეს დანაშაულებრივი ქმედება“, – ამბობს პროკურორი ლევან ვეფხვაძე.
შეგახსენებთ, ანასტასია შატილოვა გასული წლის ოქტომბერში მოკლეს.
კომენტარები